ភ្នំពេញ ៖ ក្នុងព្រះរាជសារចូលរួមរំលែកមរណទុក្ខ ចុះថ្ងៃទី១៩ ខែមីនា ឆ្នាំ២០២១ ពីទីក្រុងប៉េកាំង ប្រទេសចិន លើមរណភាព អ្នកស្រី ងួន សុផាន្នី ភរិយាតារាចំរៀងជើងចាស់ លោក ហួរ ឡាវី សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការ:ដ៏ខ្ពង់ខ្ពស់បំផុត បានចាត់ទុកមរណភាពរបស់អ្នកស្រី ងួន សុផាន្នី គឺជាការបាត់បង់ភរិយា និងម្តាយដ៏ល្អប្រពៃមួយដែលជាទីគោរពស្រឡាញ់នៃបុត្រ ព្រមទាំងបងប្អូន និងញាតិមិត្តទាំងឡាយ។
សម្ដេចព្រះមហាក្សត្រី សម្តេចម៉ែ ក៏បានសូមឱ្យវិញ្ញាណក្ខន្ធ អ្នកស្រី ងួន សុផាន្នី អញ្ជើញទៅកាន់សុគតិភពកុំបីខាន។
សូមបញ្ជាក់ថា អ្នកស្រី នួន សុផាន្នី ភរិយារបស់តារាជើងចាស់ ហួរ ឡាវី និងត្រូវជាម្តាយរបស់តារាចម្រៀង វី ឌីណែត បានទទួលមរណភាពនៅថ្ងៃទី១៩ ខែមីនា ឆ្នាំ២០២១នេះ អំឡុងពេលសំរាកព្យាបាលជំងឺកូវីដ១៩នៅមន្ទីរពេទ្យ។
សូមបញ្ជាក់ថា អ្នកស្រី ងួន សុផាន្នី ត្រូវបានរកឃើញកើតជំងឺកូវីដ-១៩ កាលពីថ្ងៃទី១១ ខែមីនា ឆ្នាំ២០២១ ដោយអ្នកស្រី បានឆ្លងជំងឺនេះ ពីកូនស្រី គឺកញ្ញា វី ឌីណែត៕ រក្សាសិទ្ធិដោយ ពិសិដ្ឋ CEN
