ភ្នំពេញ ៖ នៅព្រឹកថ្ងៃទី២០ខែមីនាឆ្នាំ២០២១ ក្រុមអ្នកអនាម័យ ស្ម័គ្រចិត្ត មន្ទីពេទ្យ The Great Duke អតីត(អិនធេីកង់ទីណង់តាល់) សប្បាយចិត្តនិងសូមសរសេីរដល់ទឹកចិត្ត ឯកឧត្ដម ហ៊ុន ម៉ាណែត និងលោកជំទាវ ពេជ ច័ន្ទមុន្នី ហ៊ុន ម៉ាណែត ដែលបានឲ្យក្រុមការងារស្ម័គ្រចិត្តរបស់សមាគមន៍រួមគ្នាអភិវឌ្ឍន៍កម្ពុជា ដឹកនាំផ្ទាល់ដោយលោក ឯ សំភាស់ ប្រធានសមាគមន៍ រៀបចំបាយម្ហូបនំចំណីសម្រាប់បងប្អូនខ្មែរឥស្លាម និងក្មួយប្រុសអាយុ៦ឆ្នាំ ដែលកំពុងសម្រាកព្យាបាល នៅមន្ទីរពេទ្យThe Great Duke អតីត(អិនធេីកង់ទីណង់តាល់) ។
គួរបញ្ជាក់ថា កុមារា អាយុ ៦ ឆ្នាំ ដែលមានទីតាំងនៅផ្ទះជួល ផ្លូវបេតុង ភូមិសាមគ្គី សង្កាត់ប្ញស្សីកែវ ខណ្ឌប្ញស្សីកែវ រាជធានីភ្នំពេញ (ឆ្លងពីម្ដាយ អាយុ ៣១ ឆ្នាំ)កំពុងមានការចាបអារម្មណ៍ខ្លាំងពីបណ្ដាញសង្គម អ្នកលេងហ្វេសប៊ុក និងបានជូនពរឲ្យក្មេងប្រុសឆាប់ជាសះស្បេីយគ្រប់ៗគ្នា ។
លោក ឯ សំភាស់ បានមានប្រសាសន៍ថា សូមកោតសសើចំពោះទឹកចិត្តរបស់បងប្រុស ហ៊ុន ម៉ាណែត និងបងស្រី ពេជ ច័ន្ទមុន្នី ហ៊ុនម៉ាណែត បានឲ្យក្រុមការងារយើង រៀបចំម្ហូបដោយឡែកសម្រាប់បងប្អូនខ្មែរឥស្លាម និងក្មួយប្រុស អាយុ ៦ឆ្នាំ… កំពុងសម្រាកព្យាបាលនៅមន្ទីពេទ្យ The Great Duke និងសូមជូនពរឲ្យបងប្អូនក្រុមការងារសម្រេចបានជោគជ័យ និងជូនពរបងប្អូនដែលមកសម្រាកព្យាបាលក្នុងមន្ទីពេទ្យThe Great Duke ឆាប់ជាសះស្បេីយទាំងអស់គ្នា៕
រក្សាសិទ្ធិដោយ៖ សារឿន
