ភ្នំពេញ÷ យ៉ាងហោចណាស់មនុស្សប្រុសស្រីក្មេងចាស់៤នាក់រងរបួសធ្ងន់និងស្រាល ខណ:ពេលកំពុងតែអង្គុយលេងមុខផ្ទះត្រូវរថយន្តមួយគ្រឿងថយទៅបុក។
ហេតុការណ៍គ្រោះថ្នាក់ចរារណ៍ខាងលើនេះបានកើតឡើងកាលពីវេលាម៉ោង១២និង៣០នាទីរសៀលថ្ងៃទី២០ ខែមិនាឆ្នាំ២០២១ ស្ថិតនៅចំណុចផ្លូវបេតុងក្នុងភូមិជ្រៃកោង សង្កាត់ចោមចៅទី២ ខណ្ឌពោធិសែនជ័យ រាជធានីភ្នំពេញ។
យោងតាមប្រភពព័ត៌មាននៅកន្លែងកើតហេតុបានឲ្យដឹងថាមុនពេលកើតហេតុគេឃើញ មានមនុស្សក្មេងចាស់ប្រុសស្រីដែលជាម្ចាស់ផ្ទះពិគ្រោះពិនិត្យនិងព្យាបាលជំងឺរទូទៅ ចៅ ធី បាននាំគ្នាអង្គុយលេងនៅមុខផ្ទះ ស្របពេលនោះក៏មាននារីរូបស្រស់ម្នាក់នៅរស់នៅផ្ទះល្វែងជាប់គ្នាបានឡើងបញ្ឆេះរថយន្តរបស់គាត់មួយគ្រឿងម៉ាកព្រុសពណ៍ស ពាក់ស្លាកលេខ ភ្នំពេញ2AR 0354 រួចបានបើកថយក្រោយសង្ស័យជាន់ហ្គាច្រលំស្មានតែជាន់ហ្វ្រាំង បានជ្រុលចង្កូតទៅបុកមនុស្សក្មេងចាស់ប្រុសស្រី៤នាក់ដែលកំពុងតែអង្គុយលេងនៅមុខផ្ទះបណ្តាលឲ្យរងរបួសធ្ងន់និងស្រាលត្រូវបានបញ្ជូនទៅធ្វើការសង្គ្រោះភ្លាមៗនៅឯមន្ទីរពេទ្យ។
ក្រោយពេលកើតហេតុសមត្ថកិច្ចប៉ុស្តិ៍រដ្ឋបាលសង្កាត់ចោមចៅទី២សហការណ៏ជាមួយនិងកម្លាំងជំនាញចរាចរណ៍ខណ្ឌចុះមកស្ទូចយករចយន្តបង្កទៅរក្សាទុកនៅអធិការដ្ឋាននគរបាលខណ្ឌពោធិសែនជ័យដើម្បីដោះស្រាយគ្នាតាមផ្លូវច្បាប់នៅពេលក្រោយ៕
រក្សាសិទ្ធិដោយ៖ សួង សាម
