សន្តិសុខនៅផ្សារចិន(ដូរមកផ្សារលើវិញ)ខេត្តព្រះសីហនុ បានរុញអ្នកលក់ពងទា បណ្តាលឲ្យពងទាមួយកន្ត្រកក្រឡាប់ចាក់ធ្លាក់បែកខ្ទេចគ្មានសល់។
នៅព្រឹកថ្ងៃទី២០ខែមីនាឆ្នាំ២០២១នេះ ឧត្តមសេនីយ៍ ទី ចំរើនកុសល បានសរសេរសារលើផេកហ្វេសប៊ុកថា លឺថានេះជាស្នាដៃរបស់សន្តិសុខនៅផ្សាចិន(ដូរមកផ្សារលើវិញ)ខេត្តព្រះសីហនុ។
ដោយសារតែអ្នកលក់ពងទាគ្មានប្រាក់បីម៉ឺនរៀលឲ្យថ្លៃខ្លួនការពារ ទើបសន្តិសុខខឹងហើយរុញកន្ត្រកពងទាឲ្យកម្ពប់បែកពងទាអស់ !
អាណិតអ្នកលក់មានប្រាក់តិចតួចខំទៅទិញពងទាមកលក់យកចំណេញ ដល់បែកខ្ទេចអញ្ចឹងធ្វើម៉េចទៅ?
ប្រភពពីហ្វេសប៊ុក ។
ពាក់ព័ន្ធនឹងករណីខាងលើនេះ ផេកហ្វេសប៊ុកប្រជាជន ខេត្តព្រះសីហនុ បានលើកឡើងថា សូមជម្រាបជូន សាធារណៈជនតាមការបញ្ជាក់របស់លោកប្រធានផ្សារចិន (ផ្សារមជ្ឈមណ្ឌលពាណិជ្ជកម្ម) ឲ្យដឹងថា ករណីនេះជាការយល់ច្រលំ ដោយដំណើររឿង គឺសន្ដិសុខ និងអ្នកលក់ពងទា គឺតែងតែលេងសើចជាមួយគ្នាដូចសព្វដង តែដោយសារលេងជ្រុល ក៏បណ្ដាលឲ្យប៉ះដួលធ្លាក់បែកពងទាអស់។ បញ្ហានេះ ក៏បានសម្រួលគ្នាភ្លាមៗ ដោយខាងផ្សារបានសងគ្រប់ចំនួននៃតម្លៃពងទាទាំងនោះ មិនមានបញ្ហាជាមួយគ្នា ហើយក៏ពុំមានបញ្ហា ដូចការលើកឡើងក្នុងបណ្ដាញសង្គមនោះទេ និងសូមឲ្យស្វែងរកព័ត៌មានពិតមុននឹងបង្ហោះផ្សាយ៕ រក្សាសិទ្ធិដោយ៖បញ្ញាស័ក្តិ
