ភ្នំពេញ ÷ បុរសម្នាក់មិនដឹងថាខឹងជាមួយសង្សាររឿងអ្វីបានជាសម្រេចចិត្តជិះម៉ូតូមកលោតទឹកលើស្ពានជ្រោយចង្វារសម្លាប់ខ្លួនតែមិនបានសម្រេចត្រូវបានប្រជាពលរដ្ឋធ្វើដំណើរឆ្លងកាត់ជួយចាប់ទាន់ពេលរួចទុកប្រគល់ជូនសមត្ថ កិច្ច។
ហេតុការណ៍ភ្ញាក់ផ្អើលនេះដែរកើតឡើងនៅវេលាម៉ោង២ និង ១៥នាទីយប់ឈានចូលថ្ងៃអាទិត្យទី២១ ខែមីនាឆ្នាំ ២០២១ ចំណុចលើស្ពានជ្រោយចង្វា រក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
បើយោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថាមុនពេលកើតហេតុគាត់ឃើញបុរសម្នាក់ជិះម៉ូតូម៉ាកស្គុបពីរមួយគ្រឿងពណ៌សលាយខៀវពាក់ផ្លាកលេខ ភ្នំពេញ1-BC 5745
ធ្វើដំណើរចេញពីរង្វង់មូលគួចកាណុងឡើងទៅលើស្ពានជ្រោយចង្វារ មកដល់ចំណុចកើតហេតុស្រាប់តែបុរសជាជនរងគ្រោះបានទុកម៉ូតូចោលរៀបនិងលោតចុះទៅក្នុងទឹកក៏បានប្រជាពលរដ្ឋធ្វើដំណើរឆ្លងកាត់និងអ្នកសារព័ត៌មានជាច្រើននាក់ទៀតជួយចាប់ទាញមកវិញបានទាន់ពេលហើយរាយការណ៍ឲ្យសមត្ថកិច្ចចុះមកជួយភ្លាមៗផងដែរ។
ក្រោយពេលកើតហេតុសមត្ថកិច្ចមូលដ្ឋានចុះមកដល់រួចក៏យកជនរងគ្រោះដាក់លើកង់បីយកទៅប៉ុស្តិ៍នគរបាលរដ្ឋបាលសង្កាត់ស្រះចកធ្វើការពន្យល់និងណែនាំមួយសន្ទុះមកក៏បុរសម្នាក់នោះបានជិះម៉ូតូចេញទៅផ្ទះវិញបាត់ដោយខ្លួនឯងទៅ៕
រក្សាសិទ្ធិដោយ៖ សា មេត
