ភ្នំពេញ ÷ បុរសម្នាក់បើករថយន្តហាយឡែនឌ័រមួយគ្រឿងក្នុងលឿនបម្រុងឆ្លងស្តុបបានជ្រុលទៅបុករបាំងថ្មពុះចែកទ្រូងផ្លូវរួចបន្តទៅបុកកង់បីកំពុងតែឆ្លងស្តុបចំពាក់កណ្តាលពេញទំហឹងបណ្តាលឲ្យកង់បីប៉ើងទៅមុខជាច្រើនម៉ែត្រនិងរងរបួសបញ្ជូនទៅមន្ទីរពេទ្យ។
អ្វីដែលសំណាងល្អមានស្ត្រីម្នាក់និងកូនតូចទើបតែមួយខែកន្លះអង្គុយពីក្រោយមិនមានរងរបួសនោះទេ។
ហេតុការណ៍គ្រោះថ្នាក់ចរាចរណ៍នេះដែរបានកើតឡើងនៅវេលាម៉ោង១១និង៣០នាទីយប់ថ្ងៃសៅរ៍ទី២០ ខែមីនាឆ្នាំ២០២១ ចំណុចជាប់ក្រសួងសុខភិបាល ស្ថិតនៅតាមបណ្តោយផ្លូវ២៨៩ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ។
បើយោងតាមប្រភពពីកន្លែងកើតហេតុបានឲ្យដឹងថាមុនពេលកើតហេតុគេឃើញកង់បីមួយគ្រឿងពណ៌សមិនមានផ្លាកលេខបើកបដោយបុរសម្នាក់និងរួមដំណើរជិះពីក្រោយស្ត្រីនិងកូនតូច២នាក់ទៀតធ្វើដំណើរតាមបណ្តោយផ្លូវ២៨៩ ក្នុងទិសដៅពីជើងមកត្បូងក្នុងល្បឿនមធ្យមមកដល់ចំណុចកើតហេតុបម្រុងនិងឆ្លងស្តុបខៀវ ស្រាប់តែគេឃើញមានរថយន្តម៉ាកហាយឡែនឌ័រមួយគ្រឿងទៀតពណ៌ទឹកប្រាក់ពាក់ផ្លាកលេខ ភ្នំពេញ 2-Z 0535 បើកបរដោយបុរសម្នាក់ស្រវឹងធ្លាក់ភ្នែកធ្វើដំណើរតាមបណ្តោយផ្លូវ៥៦៦ ក្នុងទិសដៅពីលិចមកកើតក្នុងល្បឿនលឿនមិនប្រយ័ត្នបានជ្រុលចង្កូតទៅបុករបាំងថ្មរងការខូចខាតតិចតួចរួចជ្រុលបន្តទៅបុកកង់បីចំពាក់កណ្តាលពេញទំហឹងបណ្តាលឲ្យកង់បីប៉ើងទៅម្ខាង សំណាងល្អក្នុងករណីគ្រោះថ្នាក់ចរាចរណ៍នេះមិនមានអ្នកស្លាប់នោះទេរងការខូចខាតតែរថយន្តនិងកង់បីយ៉ាងដំណំ។
ក្រោយពេលកើតហេតុសមត្ថកិច្ចមូលដ្ឋានសហការជាមួយនឹងខាងជំនាញចរាចរណ៍ខណ្ឌទួលគោកចុះមកដល់រួចក៏បានទំនាក់ទំនងទៅខាងជំនាញក្រុងឲ្យចុះមកវាស់វែងនិងធ្វើកំណត់ហេតុយករថយន្តនិងកង់បីទៅរក្សាទុកនៅការិយាល័យចរាចរណ៍ផ្លូវគោកនៃស្នងការាជធានីភ្នំពេញរង់ចាំដោះស្រាយនៅពេលក្រោយ៕
រក្សាសិទ្ធិដោយ៖ សា មេត
