ខេត្តស្វាយរៀង ៖ មានករណីក្មេងស្រីវ័យ១៩ឆ្នាំ មានវិបត្តិផ្លូវចិត្តដោយចង់ធ្វើអ្វីមិនបានដូចបំណង ក៏គិតខ្លីធ្វើអត្តឃាតខ្លួនឯងបាត់បង់ជីវិតគួរឲ្យសង្វេក។
បើតាមសមត្ថកិច្ចបានឲ្យដឹងថា ក្មេងស្រីគិតខ្លីនេះកើតឡើងកាលពីវេលាម៉ោង៥និង៣០នាទីល្ងាច ថ្ងៃទី២០ ខែមីនា ឆ្នាំ២០២១ នៅចំណុចភូមិព្រៃចំការ ឃុំធ្មា ស្រុករំដួល ខេត្តស្វាយរៀង។
នារីគិតខ្លីឈ្មោះណោ ភីណា អាយុ១៩ឆ្នាំ រស់នៅភូមិ ឃុំកើតហេតុខាងលើ ខណៈឳពុកម្តាយមិននៅផ្ទះ បានធ្វើអត្តឃាត សម្លាប់ខ្លួនឯងដោយយកក្រមាទៅចងនិងរនងបន្ទប់លើផ្ទះខ្លួនឯង បណ្តាលឲ្យស្លាប់បាត់បង់ជីវិតតែម្តង មូលហេតុមានវិបត្តិផ្លូវចិត្ត។ ប្រភពបន្តទៀតថា ពេលឳពុកម្តាយត្រឡប់មកផ្ទះ ដល់ម៉ោងទទួលទានបាយមិនឃើញកូនស្រី ចុះមករកបាយទឹកក៏ស្រែកហៅមិនឮឆ្លើយក៏ឡើងទៅលើផ្ទះអើតមើលទៅក្នុងបន្ទប់ ស្រាប់តែឃើញកូនស្រីចង.ក នៅនិងរនងផ្ទះក្នុងបន្ទប់ស្លាប់បាត់ទៅហើយ។
ឳពុកម្តាយបានឆោឡោនិងប្តឹងសមត្ថកិច្ច។ សមត្ថកិច្ចក៏បានចុះទៅអន្តរាគមន៍ពិនិត្យសព ឃើញថា ពិតជាចងក ធ្វើអត្តឃាតពិតប្រាកដមែន ក៏ប្រគល់សពឲ្យក្រុមគ្រួសារធ្វើបុណ្យតាមប្រពៃណី៕ រក្សាសិទ្ធិដោយ៖វ៉ៃកូ
