ភ្នំពេញ ÷ គណៈបញ្ជាការឯកភាពខណ្ឌចំការមនដឹកនាំកម្លាំងចម្រុះដោយលោកអភិបាលខណ្ឌ ថេង សុថុល ចុះបិទទីតាំងហ្គែមបាញ់ត្រីមួយកន្លែងដោយសារតែធ្វើការចុះណែនាំមិនព្រមស្តាប់ និងឃាត់មនុស្សប្រុសស្រីមានជនជាតិចិន និងខ្មែរបានចំនួន២០នាក់។
ប្រភពព័ត៌មានពីសមត្ថកិច្ចបានឲ្យដឹងថាដោយសារតែការដាក់បញ្ជាផ្ទាល់ពីលោកឃួង ស្រេង អភិបាល នៃគណៈអភិបាលរាជធានីភ្នំពេញ ឲ្យចុះផ្អាកនៅល្បែងទាំងអស់ជាបណ្តោះអាសន្នដើម្បីចូលរួមទប់ស្កាត់នៃជំងឺកូវីដ-១៩ កំពុងតែរីករាលដាលខ្លាំង។
ដោយសារតែចុះទៅធ្វើការណែនាំម្តងហើយម្តងទៀតមិនព្រមស្តាប់តាមនៅតែបន្តលួចបើក ទើបនៅយប់ឈានចូលថ្ងៃចន្ទ័ទី២២ ខែមីនា ឆ្នាំ២០២១ នៅវេលាម៉ោង ១ និង២៥ នាទីយប់ ចុះដឹកនាំកម្លាំងចម្រុះដោយផ្ទាល់ពីលោកអភិបាលខណ្ឌចំការមន លោកថេង សុថុលទៅបិទទីតាំង ឈ្មោះ មជ្ឈមណ្ឌលពិភពកំសាន្តឃូលរីមិច ជាបណ្តោះអាសន្នសិន ។
ការចុះបង្ក្រាបនេះ ឃាត់ខ្លួនមនុស្សប្រុសស្រីសរុប ២០នាក់ ( ស្ត្រី មាន៤ នាក់ និងបុរសមានចិននិងខ្មែរ ១៦នាក់)។
រួចក៏បានបញ្ជូនខ្លួនមនុស្សប្រុសស្រីចំនួន២០នាក់ដឹកយកទៅអធិការដ្ឋាននគរបាលខណ្ឌចំការមនដើម្បីធ្វើការសាកសួរនិងធ្វើការណែនាំបន្ត៕
រក្សាសិទ្ធិដោយ៖ សាមេត
