តារាចម្រៀងប្រចាំផលិតកម្មរស្មីហង្សមាសម្នាក់ទៀតហើយ គឺលោក ថែល ថៃ បានវិជ្ជមានកូវីដ១៩ ហើយអាជ្ញាធរក៏បានចុះទៅបិទទីកន្លែងមួយចំនួនផងដែរ ដែលលោក ថែល ថៃ បានទៅ។
នេះបើតាមផេកហ្វេសប៊ុក សិល្បករកម្ពុជា នៅមុននេះបន្តិច (ថ្ងៃទី២២ ខែមីនា ឆ្នាំ២០២១) បានបង្ហោះឲ្យដឹងថា នៅរសៀលថ្ងែទី ២១ ខែ មិនា ឆ្នាំ ២០២១ អាជ្ញាធរ និងមន្ត្រីជំនាញពាក់ព័ន្ធចុះបិទទីតាំងផ្ទះ របស់តារាចម្រៀង លោក ថែល ថៃ នៅចំណុចភូមិព្រែកសំរោង៣ សង្កាត់តាខ្មៅ ក្រុងតាខ្មៅ ពាក់ព័ន្ធនឹងព្រឹត្តិការណ៍ ២០កុម្ភៈ ដោយ តារាចម្រៀង ថែល ថៃ(វិជ្ជមានកូវីដ ១៩) ធ្លាប់មកពិនិត្យកំដៅ នៅមន្ទីរសំរាកព្យាបាល និង សម្ពព សុខាបញ្ញា ភូមិតាខ្មៅ១ សង្កាត់តាខ្មៅ ក្រុងតាខ្មៅ ខេត្តកណ្តាល កាលពីថ្ងៃទី១៩ មីនា២០២១ ។
ប្រភពដដែលក៏បានបញ្ជាក់ឲ្យដឹងថា នៅព្រឹកថ្ងៃទី២២ ខែមីនា ឆ្នាំ២០២១ នេះ អាជ្ញាធរ និងមន្ត្រីជំនាញពាក់ព័ន្ធចុះទៅហ៊ុព័ទ្ធទីតាំងមន្ទីរសម្រាកព្យាបាល និងសម្ភព សុខាបញ្ញា នៅភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល ក្រោយតារាចម្រៀង ធែល ថៃ បានមកសម្រាកព្យាលបាលទីនេះ៕ រក្សាសិទ្ធិដោយ៖ លឹម ហុង
