យោងតាមសារព័ត៌មាន Harian Metro បានអោយដឹងថា កាលពីពេលថ្មីៗនេះ ស្ត្រីស្អាតបានបង្ហោះវីដេអូខ្លួនឯងនាងជិះម៉ូតូ RX-Z នៅលើបណ្តាញសង្គម។ ប៉ុន្តែ ផ្ទុយពីការសរសើរ នាងត្រូវបានគេនាំគ្នារិះគន់ដូចព្យុះ ព្រោះតែជិះម៉ូតូអត់ពាក់មួកសុវត្ថិភាព ហើយជិះយ៉ាងលឿនទៀត។
វីដេអូនេះ ក្រោយមក បានទទួលការចាប់អារម្មណ៍ពីសំណាក់នាយកដ្ឋានដឹកជញ្ជូនផ្លូវថ្នល់ (JPJ) របស់ប្រទេសម៉ាឡេស៊ី ដែលបានចេញសេចក្តីកោះហៅស្ត្រីរូបនោះដុះក្អែល សម្រាប់ការរំលោភបំពានច្បាប់ចរាចរណ៍។
នាយក JPJ លោក Zulkarnain Yasin បាននិយាយថា
“មានវីដេអូជាច្រើនដែលត្រូវបានផ្សព្វផ្សាយអំពីមនុស្សដែលជិះយានយន្តរបស់ពួកគេ នៅលើបណ្តាញសង្គម។ ប៉ុន្តែប្រសិនបើច្បាប់នេះត្រូវបានរំលោភ នោះវានឹងក្លាយជាភ័ស្តុតាងសម្រាប់យើងក្នុងការចាត់វិធានការ”។
លោកបន្តថា បានទូរស័ព្ទហៅស្ត្រីនោះ ហើយនាងបានចូលមកសារភាពពីកំហុសរបស់នាង។ នាងត្រូវប្រឈមការការពិន័យចំនួន២ គឺមិនពាក់មួកសុវត្ថិភាព និងមិនបង្ហាញផ្លាកលេខចុះបញ្ជីយានយន្ត៕ រក្សាសិទ្ធិដោយ៖ លឹម ហុង
