ភ្នំពេញ ៖ បុរសម្នាក់ដែលបាននិយាយមេីលងាយ និងជេរប្រមាថថ្នាក់ដឹកនាំ នៅលេីបណ្តាញសង្គម Tik Tok ឈ្មោះ ( Sophal Moa ) ត្រូវសមត្ថកិច្ចនគរបាលឃាត់ខ្លួនបានហើយ។
ដោយអនុវត្តតាមបទបញ្ជារបស់ ឯកឧត្តមនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តមឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីពេញ សមត្ថកិច្ចផែនការងារសន្តិសុខនៃស្នងការដ្ឋាននគរបាលរាជធានីភ្នពេញ បានធ្វេីការស្រាវជ្រាវ និងឃាត់ខ្លួន បុរសម្នាក់ឈ្មោះ ម៉ៅ សុផល ដោយបាននិយាយមេីលងាយ និងជេរប្រមាថថ្នាក់ដឹកនាំ នៅលេីបណ្តាញសង្គម Tik Tok ឈ្មោះ ( Sophal Moa ) ការឃាត់ខ្លួននេះធ្វើឡើងនៅវេលាម៉ោង ១០និង២០នាទី ថ្ងៃទី២៥ ខែមីនា ឆ្នាំ២០២១ នៅភូមិសំរោងត្បូង សង្កាត់សំរោង ខណ្ឌព្រែកព្នៅ រាជធានីភ្នំពេញ ក្រោយពេលឃាត់ខ្លួនសមត្ថកិច្ចបានបញ្ជូន យកមកស្នងការដ្ឋានគរបាលរាជធានីភ្នំពេញ ដើម្បីចំណាត់ការនីតិវិធីផ្លូវច្បាប់ ៕ រក្សាសិទ្ធិដោយ៖សួង សាម
