ត្រឹមវេលាបិទផ្សារថ្ងៃសុក្រសប្តាហ៍មុន សន្ទស្សន៍ ផ្សារមូលបត្រកម្ពុជា បានងើបឡើងវិញ ២,៨៩ ពិន្ទុ ឬ ០,៤៥% រហូតដល់ ៦៤២,៧៦ ពិន្ទុវិញ។ ភាគហ៊ុន រដ្ឋាករទឹកស្វយ័តក្រុងភ្នំពេញ (PWSA) និងអេស៊ីលីដា (ABC) មានកំណើន ៤០រៀល និង ១០០រៀល រៀងគ្នាមកដល់ ៦.៣៤០រៀល និង ១៦.៨០០រៀល។
ភាគហ៊ុនចំនួនបួន ដែលរួមមាន ហ្ក្រេនធ្វីន (GTI) កំពង់ផែស្វយ័តក្រុងភ្នំពេញ (PPAP) តំបន់សេដ្ឋកិច្ចពិសេសភ្នំពេញ (PPSP) និងកំពង់ផែស្វយ័តក្រុងព្រះសីហនុ (PAS) បានរក្សាថ្លៃថេរដដែល ខណៈដែលភាគហ៊ុន ផេសថិក (PEPC) ថយចុះ ៤០រៀល មកនៅត្រឹម ៣.០៤០រៀល។
ទំហំជួញដូរភាគហ៊ុនសរុបមានចំនួន ៤២៣,០៤ លានរៀល ដែលភាគច្រើនជាចំណែករបស់ភាគហ៊ុន ABC គឺស្មើនឹងប្រមាណ ៤១ ភាគរយ៕
រក្សាសិទ្ធិដោយ ៖ CEN