កណ្តាល÷បុរសម្នាក់បានបើករថយន្តបែនដឹកដីមួយគ្រឿងក្នុងល្បឿនលឿនខ្វះការប្រុងប្រយ័ត្នបណ្តាលឲ្យរេចង្កូតធ្លាក់ចូលក្នុងប្រឡាយទឹកក្រឡាប់ផ្ងារជើងទៅប៉ះនិងបង្គោលភ្លើងបាក់មួយដើម។ សំណាងល្អតៃកុងរថយន្តលោតចេញរួច។
ហេយុការណ៍គ្រោះថ្នាក់ចរាចរណ៍នេះដែរបានកើតឡើងនៅវេលាម៉ោង៥ និង០០នាទីល្ងាចថ្ងៃអាទិត្យទី៤ ខែមេសា ឆ្នាំ២០២១ ស្ថិតនៅតាមបណ្តោយផ្លូវ២១B ក្នុងសង្កាត់រការខ្ពស់ ក្រុងតាខ្មៅ ខេត្តកណ្តាល។
បើយោងតាមប្រភពពីប្រជាពលរដ្ឋនៅកន្លែងកើតហេតុបានឲ្យដឹងថានៅមុនពេលកើតហេតុគេបានឃើញរថយន្តបែនដឹកដីមួយគ្រឿងព៍ណសមិនមានស្លាកលេខ បើកបដោយបុរសម្នាក់ធ្វើដំណើរតាមបណ្តោយផ្លូវ២១b ក្នុងទិសដៅពីកើតមកលិចក្នុងល្បឿនលឿនខណៈមកដល់ចំណុចកើតកើតហេតុខាងលើបានជ្រុលចង្កូតធ្លាក់ចូលក្នុងប្រឡាយទឹកបណ្តាលឲ្យរថយន្តក្រឡាប់ទៅប៉ះនិងបង្គោលភ្លើងបាក់មួយដើម។
ក្រោយពេលកើតហេតុសមត្ថកិច្ចមូលដ្ឋានសហការជាមួយជំនាញចរាចរណ៍ក្រុងតាខ្មៅចុះមកដល់រួចយករថយន្តស្ទូចមកស្ទូចយករថយន្តបង្កខាងលើទៅរក្សាទុកនៅស្នងការខេត្តកណ្តាលរង់ចាំដោះស្រាយនៅពេលក្រោយ៕
រក្សាសិទ្ធិដោយ៖ សា មេត
