បាត់ដំបង ៖ អធិការដ្ឋាននគរបាលស្រុកភ្នំព្រឹក បានឲ្យដឹងថា នៅថ្ងៃទី ០៥ ខែ មេសា ឆ្នាំ ២០២១ វេលាម៉ោង ១៥និង៤០នាទី នៅចំណុចក្រុមទី ១០ ស្តិតក្នុងភូមិ ភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង មានករណី រន្ទះបាញ់មនុស្ស បណ្តាលឲ្យស្លាប់ចំនួន ០១លើក ជនរងគ្រោះ ឈ្មោះ អៀង លីណា ភេទ ស្រី អាយុ ១២ឆ្នាំ មានទីលំនៅភូមិ ឃុំខាងលើ ។
មូលហេតុ ៖ ក្មេងស្រីរងគ្រោះ បានជិះកង់ទៅសុំលុយម្តាយទៅទិញនំហូប ពេលត្រឡប់មកវិញ ដល់ទីវាលប្រហែល ១០០ម៉ែត្រ ពីផ្ទះក្មេងស្រីរងគ្រោះ ក៏ត្រូវរន្ទះបាញ់ស្លាប់តែម្តង ។
ក្រោយពីសមត្ថកិច្ចយើង បានចុះត្រួតពិនិត្យសាកសពរួចមក បានប្រគល់សាកសពជូនសាច់ញាតិ យកទៅធ្វើបុណ្យតាមប្រពៃណីជាតិ ៕ រក្សាសិទ្ធិដោយ៖បញ្ញាស័ក្តិ
