ភ្នំពេញ ÷ករណីផ្ទុះអាវុធ៣គ្រាប់បណ្តាលឲ្យយុវជនម្នាក់ស្លាប់នោះបង្កឡើងពីរឿងផឹកសុីជាមួយមិត្តភក្ក្រ័រួចទាស់សំដីគ្នាក៏មានការប្រតាយប្រតប់បណ្តាលឲ្យយុវជនម្នាក់ រត់ទៅឲ្យសន្តិសុខនៅយាមធនាគារ ABA ជួយក៏យុវជនម្នាក់ទៀត ខឹងរត់ទៅទាញកូនកាំបិតដេញចាក់ទៅលើសន្តិសុខបណ្តាលឲ្យសន្តិសុខដកកាំភ្លើងបាញ់សំដៅទៅលើជនរងគ្រោះ ៣គ្រាប់ ត្រូវ ២គ្រាប់ស្លាប់នៅនឹងកន្លែងកើតហេតុតែម្តង។ ចំណែកជនដៃដល់ត្រូវសមត្ថកិច្ចឃាត់បានយកទៅធ្វើរការសួរនាំ។
ហេតុការណ៍ភ្ញាក់ផ្អើលមួយដែលកើតឡើងនៅវេលាម៉ោង ៩ និង០០ នាទីយប់ត្រូវនឹងថ្ងៃអង្គារទី ៦ ខែមេសា ឆ្នាំ២០២១ ចំណុចមុខធនាគារ ABA ស្ថិតនៅតាមបណ្ដោយផ្លូវសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខរាជធានីភ្នំពេញ។
ប្រភពព័ត៌មានពីបងប្រុសម្នាក់សុំមិនបញ្ចេញឈ្មោះបានប្រាប់ឲ្យដឹងថា នៅមុនពេលកើតហេតុដោយឃើញយុវជន២នាក់ដែលជាក្មេងអាណាថារស់នៅក្រោមស្ពានអាកាសផ្សារដីហុយបានជួបជុំផឹកសុីនៅក្រោមស្ពាន រួចទាស់សំដីគ្នាតិចតួចក៏បានដេញប្រតាយប្រតប់គ្នា ធ្វេីឱ្យយុវជនម្នាក់ទៀតរត់ទៅចូលកន្លែងដកលុយធនាគារ ABA ឲ្យសន្តិសុខនៅទីនោះជួយ ហេីយក៏ត្រូវបានយុវជនម្នាក់ទៀតរត់ប្រដេញតាមមកដល់ ក៏ត្រូវបានសន្តិសុខនៅធនាគារ ABA នោះបានហាមឃាត់មិនឲ្យឈ្លោះគ្នាធ្វេីឱ្យយុវជនម្នាក់ជាជនរងគ្រោះមានចិត្តខឹង ក៏រត់ទៅយកកូនកាំបិតដេីរសំដៅទៅចាក់លើសន្តិសុខនោះ ហើយក៏ត្រូវបានសន្តិសុខបានដកកាំភ្លេីងបាញ់សំដៅលើជនរងគ្រោះចំនួន ៣គ្រាប់ ត្រូវលើជនរងគ្រោះ២គ្រាប់បណ្តាលឲ្យស្លាប់ភ្លាមៗនៅនឹងកន្លែងកើតហេតុ ។
ក្រោយកើតហេតុភ្លាមៗ សមត្ថកិច្ចមូលដ្ឋានបានចុះទៅដល់កន្លែងកេីតហេតុ ធ្វេីការឃាត់ខ្លួនបុរសជាសន្តិសុខ បញ្ជូនយកទៅអធិការដ្ឋាននគរបាលខណ្ឌសែនសុខភ្លាមៗ ចំណែកទីតាំងកន្លែងកេីតហេតុ ត្រូវសមត្ថកិច្ចធ្វេីការហ៊ុមព័ទ្ធ រង់ចាំជំនាញកោសល្យវិច្ច័យចុះមកពិនិត្យ៕
រក្សាសិទ្ធិដោយ៖ សា មេត
