ភ្នំពេញ÷ ជនជាតិបរទេសម្នាក់បានរងរបួសធ្ងន់ឈាមស្រោចពេញខ្លួនបន្ទាប់ពីត្រូវជនមិនស្គាល់មុខជិះកង់មកកាប់ជាច្រើនកាំបិតដោយដោយពុំទាន់ដឹងពីមូលហេត រួចជនដៃដល់បានរត់គេចខ្លួនបាត់ស្រមោលទៅ។
ហេតុការណ៍ភ្ញាក់ផ្អើលនេះដែរបានកើតឡើងកាលពីវេលាម៉ោង១០និង៣០នាទីយប់ថ្ងៃ ពុធ ទី៧ ខែ មេសា ឆ្នាំ២០២១ ស្ថិតតាមបណ្ដោយផ្លូវ១៩ កែងនឹងផ្លូវ១៥៤ ក្នុងសង្កាត់ផ្សារកណ្ដាលទី២ ខណ្ឌដូនពេញ រាជធានីភ្នំពេញ។
បើយោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថានៅមុនពេលកើតហេតុគេឃើញ បុរសជនជាតិបរទេសម្នាក់បានដើរនៅលើដងផ្លូវ១៩សុខៗស្រាប់តែលេចមុខជនដៃដល់ម្នាក់ជិះកង់មកក្បែររួចបានធ្វើសកម្មភាពទាញកាំបិតមកកាប់ទៅលើបុរសជនជាតិបរទេសជាច្រើនកាំបិតបណ្ដាលឲ្យដួលហូឈាមពេញខ្លួននៅលើថ្នល់រងរបួសធ្ងន់ រួចជនដៃដល់បានរត់គេចខ្លួនដោយសុវត្ថិ ភាព។
ក្រោយពេលកើតហេតុសមត្ថកិច្ចចុះមកដល់ចំណុចកើតហេតុរួចក៏បានទំនាក់ទំនងទៅខាងរថយន្តសាម៉ុយដឹកជនរងគ្រោះយកទៅសង្គ្រោះបន្ទាន់ភ្លាមៗផងដែរ៕
រក្សាសិទ្ធិដោយ៖ សាមេត
