ភ្នំពេញ÷ជនស្ស័យមានគ្នា៣នាក់ជិះម៉ូតូមួយគ្រឿងមិនចាំម៉ាកបានធ្វើសកម្មភាពចូលទៅគាស់តូបលក់ដូររបស់បងប្អូនអាជីវករនៅក្នុងផ្សារឈូកមាសតែសំណាងមិនល្អត្រូវប្រជាពលរដ្ឋឃើញទាន់ដេញតាមពីក្រោយឃាត់បានម្នាក់ប្រគល់ឲ្យសមត្ថកិច្ច ចំណែកឯបក្ខពួក២នាក់ទៀតបានជិះម៉ូតូរត់គេចខ្លួនបាត់ស្រមោល។
ហេតុការណ៍នេះដែរកើតឡើងនៅវេលាម៉ោង ១ និង០០នាទីរំលងអធ្រាត្រ ឈានចូលថ្ងៃទី៨ ខែមេសា ឆ្នាំ ២០២១ ស្ថិតនៅតាមបណ្តោយផ្លូវ២០១១ ក្នុងសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
ប្រភពព័ត៌មានពីជនសង្ស័យមានឈ្មោះម៉ៅភេទប្រុសអាយុ២០ឆ្នាំជាងរស់នៅផ្លូវរថភ្លើងជិតកន្លែងកើតហេតុបានរៀបរាប់ឲ្យដឹងថា ខ្លួននិងបក្ខពួក២នាក់ទៀតជិះម៉ូតូមួយគ្រឿងមិនចាំម៉ាកបានធ្វើសកម្មភាពចូលទៅគាស់តូបបម្រុងចូលទៅយកមឹកត្រីបង្គាជាដើមហើយភ្លាមៗនោះដែរពួកគាត់កំពុងតែធ្វើសកម្មភាពគាស់សោស្រាប់តែខាងម្ចាស់តូបឃើញទាន់ធ្វើឲ្យជនស្ស័យមានគ្នា៣នាក់ភ័យស្លន់ស្លោជិះម៉ូតូរត់តែដោយប្រជាពលរដ្ឋជាម្ចាស់តូបបានប្រដេញតាមពីក្រោយរត់ទៅដល់ជិតនិងសាលាសាមគ្គីត្រូវក្រប៊ួចបានម្នាក់ចំណែកបក្ខពួក២នាក់ទៀតរត់គេចខ្លួនបាត់ទៅ។
ក្រោយពេលកើតហេតុខាងលើសមត្ថកិ ច្ចមូលដ្ឋានបានចុះមកដល់រួចវាយខ្មោះយកជនសង្ស័យខាងលើទៅប៉ុស្តិ៍នគរបាលរដ្ឋបានសង្កាត់ក្រាំងធ្នង់ធ្វើការសាកសួររួចឲ្យម្ចាស់តូបទៅដាក់ពាក្យបណ្តឹងដើម្បីងាយស្រួលឲ្យសមត្ថកិច្ចតាមឃាត់ខ្លួនបក្ខពួក២នាក់ទៀតដើម្បីយកមកចាត់ការទៅតាមនីតិវិធីផ្លូវច្បាប់៕
រក្សាសិទ្ធិដោយ៖ សា មេត
