សត្វបង្គួយ១ក្បាល ដែលមានទំហំប៉ុនក្រពើ បានបង្កឲ្យមនុស្សម្នាមានការភ័យខ្លាច និងភ្ញាក់ផ្អើលជាខ្លាំង ខណៈប្រទះឃើញវាបានបង្ហាញខ្លួននៅក្នុងហាងលក់គ្រឿងទេស 7-Eleven មួយកន្លែងនៅក្នុងប្រទេសថៃ ដែលគេជឿថា វាចេញមកពីក្នុងប្រឡាយមួយ នៃទីក្រុង Nakhon Pathom។
ពិតណាស់ សត្វនេះពុំត្រឹមតែបានធ្វើឲ្យអតិថិជនដែលមកទិញទំនិញ នាំគ្នាភ្ញាក់ភ័យស្លន់ស្លោ តាមរយៈការលួចចោលក្នុងហាងប៉ុណ្ណោះទេ តែវាថែមទាំងឡើងលើធ្នើ និងទាញទម្លាក់ប្រអប់ទឹកដោះគោ ធ្លាក់ដីឡើងខ្ទេចខ្ទីរទៀតផង។
ម្នាក់ក្នុងចំណោមអតិថិជនម្នាក់ ដែលមានវត្តមាននៅទីនោះ មានឈ្មោះ Narimpa Tangsin បាននិយាយថា នាងបានឈប់ចូលទិញអាហារមួយចំនួន ប៉ុន្តែ បន្ទាប់មក ស្រាប់តែបានឃើញសត្វដ៏ធំបំផុតនេះ ដែលរូបនាងគិតដំបូងស្មានថាជាក្រពើតែម្តង។
នាងនិយាយថា៖ «ចង់ខ្ញុំទិញភេសជ្ជៈ ប៉ុន្តែ ពេលដើរចូល ក៏ស្រាប់តែប្រទះឃើញសត្វនេះនៅជិតច្រកផ្លូវ។ ដោយដឹងថាវាជាសត្វគួរឲ្យគ្រោះថ្នាក់ ជាពិសេសនៅពេលវាខឹង ហេតុដូច្នេះ ខ្ញុំក៏ដើរថយក្រោយ និងយកទូរស័ព្ទថតវា»។
Narimpa ក៏បាននិយាយទាំងអស់សំណើចថា៖ «ខ្ញុំគិតថា ហាងលក់គ្រឿងទេសនេះ មានអ្វីៗគ្រប់បែបយ៉ាង ដែលលោកអ្នកត្រូវការ ព្រោះថា សូម្បីមានសម្រាប់ Lizard »។
តែទោះយ៉ាងណា បន្ទាប់មក ក្រុមសង្គ្រោះក្នុងតំបន់ក៏បានមកកាន់ហាង 7-Eleven ដែលមានទីតាំងនៅជាយនៃទីក្រុងបាងកក ដើម្បីចាប់សត្វបង្គួយដ៏ធំនេះចេញ មុនពេលនាំយកឲ្យវាចូលក្នុងព្រៃមួយក្បែរនោះ។
ករណីនេះផងដែរ ត្រូវបានគេជឿថា សត្វល្មូនដែលមានទំហំធំខុសពីធម្មតានេះ អាចកំពុងព្យាយាមចេញ មកខាងក្រៅ ដើម្បីស្វែងរកចំណី បន្ទាប់ពីអាកាសធាតុហួតហែងអស់រយៈពេលជាច្រើនខែមកនេះ៕
រក្សាសិទ្ធិដោយ៖ លឹម ហុង