ភ្នំពេញ ៖ ក្រសួងសុខាភិបាល សូមប្រកាសច្រានចោលទាំងស្រុង នូវទំព័រហ្វេសបុកដែលមានអាន់ខោនឈ្មោះ “ក្រសួងសុខាភិបាលCOVID-19” មានដាក់រូបលោកជំទាវ វេជ្ជបណ្ឌិត ឱ វណ្ណឌីន (ដូចរូបខាងក្រោមនេះ) មិនមែនជាផេចផ្លូវការរបស់ក្រសួងនោះឡេីយ គឺជាផេចបន្លំទេ។
ក្រសួង ស្នើសុំអាជ្ញាធរមានសមត្ថកិច្ច ជួយចាត់ការជាបន្ទាន់ផង។ រាល់ការផ្សាយក្នុងទំព័រនេះ ក្រសួង មិនទទួលខុសត្រូវឡើយ។ ដូច្នេះ សូមសាធារណជន មេត្តាកុំជឿលើការផ្សាយក្នុងទំព័រនេះឱ្យសោះ ។
លោកជំទាវ ឱ វណ្ណឌីនអ្នកនាំពាក្យនិងជារដ្ឋលេខាធិការក្រសួងសុខាភិបាលបានថ្លែងថា ទំព័រផ្លវការរបស់ក្រសួង គឺមានឈ្មោះ “ក្រសួងសុខាភិបាលនៃព្រះរាជាណាចក្រកម្ពុជា ដែលមានធីកពណ៌ខៀវ ” និងមានរូបអគារក្រសួងសុខាភិបាល មានរូបភាពដូចបង្ហាញជូនខាងក្រោមនេះស្រាប់៕ រក្សាសិទ្ធិដោយ៖បញ្ញាស័ក្តិ
