ថ្ងៃនេះ សន្ទស្សន៍ផ្សារមូលបត្រកម្ពុជាមានកំណើន ០,៣៥% មកបិទត្រឹម ៦៤១,៤១ ពិន្ទុ។ ភាគហ៊ុនចំនួន ៤ បានធ្លាក់ចុះចន្លោះពី ១០៛ ទៅ ៤០៛ ក្នុងមួយហ៊ុន ដោយ ភាគហ៊ុនកំពង់ផែស្វយ័តក្រុងភ្នំពេញ PPAP មកបិទត្រឹម ១៣.០០០៛ តំបន់សេដ្ឋកិច្ចពិសេស (PPSP) មកត្រឹមតែ ១.៨៦០៛ កំពង់ផែស្វយ័តក្រុងព្រះសីហនុ (PAS) មកត្រឹម ១៣.០០០៛ ហើយ ផេសថិក (PEPC) មកត្រឹម ៣.០៤០៛។
ទន្ទឹមនឹងនេះ ភាគហ៊ុន ហ្ក្រេនធ្វីន (GTI) បានកើនឡើង ១២០៛ ក្នុងមួយភាគហ៊ុន មកបិទនៅ ៤.២៤០៛ ហើយ ភាគហ៊ុនអេស៊ីលីដា ABC កើនឡើង ៨០៛ មកដល់ ១៦.៧២០៛។
ភាគហ៊ុនរដ្ឋាករទឹកស្វយ័តក្រុងភ្នំពេញ ( PWSA) បានរក្សាថ្លៃថេរដដែល។ ទំហំជួញដូរភាគហ៊ុនសរុបមានចំនួន ១៥០,៩៧ លានរៀល ដែលភាគហ៊ុន PPSP មានចំណែកដល់ទៅ ៧៥%៕
រក្សាសិទ្ធិដោយ ៖ CEN
