ហុងកុង៖ ក្រុមអាជ្ញាធរហុងកុងបាននិយាយក្នុងសេចក្តីថ្លែងការកាលពីថ្ងៃអាទិត្យថា ទីក្រុងហុងកុងនឹងផ្អាកដំណើរការជើងហោះហើរពីប្រទេសឥណ្ឌា ប៉ាគីស្ថាន និងហ្វីលីពីនក្នុងរយៈពេល២សប្តាហ៍ចាប់ពីថ្ងៃអង្គារទី ២០នេះ។ ការផ្អាកនេះធ្វើឡើងក្រោយពេលដែលមេរោគឆ្លងប្រភេទ N501Y ត្រូវបានរកឃើញនៅក្នុងមជ្ឈមណ្ឌលហិរញ្ញវត្ថុអាស៊ីជាលើកដំបូង។
រដ្ឋាភិបាលហុងកុងថ្លែងថា ប្រទេសទាំង៣នឹងត្រូវបានចាត់ចូលទៅជាប្រទេសដែលមានហានិភ័យខ្ពស់បំផុត បន្ទាប់ទីក្រុងហុងកុងបានរាយការណ៍ពីមេរោគកូវីដ១៩ប្រភេទថ្មីចំនួន៣០ករណីថ្មីបន្ថែមទៀតកាលពីថ្ងៃអាទិត្យ ក្នុងនោះ២៩ករណីជាការនាំចូលដែលនេះកំពុងធ្វើឱ្យចំនួនឆ្លងប្រចាំថ្ងៃមានតួលេខខ្ពស់បំផុតចាប់តាំងពីថ្ងៃទី១៥ ខែមីនាកន្លងមក។ ហុងកុងក៏បានរាយការណ៍ពីករណីឆ្លងសរុបក្នុងប្រទេសចំនួន១១.៦០០ករណី ខណៈអ្នកស្លាប់មានចំនួន២០៩ករណី។
អាជ្ញាធរហុងកុងធ្លាប់បានជំរុញឱ្យប្រជាជនទៅទទួលវ៉ាក់សាំងការពារមេរោគកូវីដ១៩ ដោយប្រជាជនហុងកុងចំនួនត្រឹមតែ៩ភាគរយប៉ុណ្ណោះដែលទទួលបានវ៉ាក់សាំងដែលចំនួននេះស្មើប្រមាណជា៧.៥ លាននាក់។
កាលពីសប្តាហ៍មុនរដ្ឋាភិបាលបានពង្រើកដំណើរការគម្រោងចាក់វ៉ាក់សាំងក្នុងទីក្រុងដើម្បីរួមបញ្ចូលប្រជាជនដែលមានអាយុចន្លោះ១៦ ដល់២៩ឆ្នាំសម្រាប់ការចាក់លើកដំបូង ដោយពួកគេមានបំណងជំរុញតម្រូវការខ្វះភាពអសកម្មមចំពោះការចាក់វ៉ាក់សាំងក្នុងចំណោមប្រជាជនហុងកុង។
ក្រុមហ៊ុនអាកាសចរណ៍បានរងផលប៉ះពាល់ដោយសារការរាំងខ្ទប់ការធ្វើដំណើរមកកាន់ប្រទេសហុងកុងពីបណ្តាប្រទេសមួយចំនួនដូចជា ឥណ្ឌា ប៉ាគីស្ថាន និងប្រទេសហ្វីលីពីន រួមមាន ក្រុមហ៊ុនអាកាសចរណ៍ហុងកុង ក្រុមហ៊ុនស៊ីប៊ូប៉ាស៊ីហ្វិក ក្រុមហ៊ុនវីស្តារ៉ា និងក្រុមហ៊ុន Cathay Pacific៕
ប្រភព៖ AL Jazeera