រដ្ឋលេខាធិការដ្ឋានអាស៊ានបាននិយាយថា ប្រទេសដែលជាសមាជិកអាស៊ីអាគ្នេយ៍នឹងបើកកិច្ចពិភាក្សាគ្នាជុំវិញវិបត្តិកំពុងកើតមាននៅក្នុងប្រទេសមីយ៉ាន់ម៉ាក្នុងកិច្ចប្រជុំកំពូលនាទីក្រុងហ្សាកាតានៅសៅរ៍ខាងមុនេះ។
បន្ទាប់ពីសហភាពអឺរ៉ុបបានដាក់ទណ្ឌកម្មយ៉ាងតឹងរឹងបំផុតទៅលើរបបយោធាដែលបានកាន់កាប់អំណាចនៅថ្ងៃទី ១ ខែកុម្ភៈកន្លងមកនេះ។
សហគមន៍ប្រជាជាតិអាស៊ីអាគ្នេយ៍ (អាស៊ាន) ដែលមានសមាជិកចំនួន ១០ ប្រទេសបាននឹងកំពុងព្យាយាមស្វែងរកមធ្យោបាយក្នុងការនាំប្រទេសមីយ៉ាន់ម៉ាឱ្យចេញពីភាពវឹកវរនៃការបង្ហូរឈាមដែលបានកើតមានឡើងនាពេលកន្លងមក បន្ទាប់ពីរដ្ឋប្រហារយោធាប្រឆាំងនឹងរដ្ឋាភិបាលជាប់ឆ្នោតមួយដែលដឹកនាំដោយលោកស្រីអ៊ុងសានស៊ូជី។
លោក Romeo Jr. Abad Arca ជំនួយការប្រធានផ្នែកទំនាក់ទំនងសហគមន៍នៃលេខាធិការដ្ឋានអាស៊ានបាននិយាយថា កិច្ចប្រជុំនេះនឹងប្រព្រឹត្តទៅនៅទីស្នាក់ការកណ្តាលក្នុងទីក្រុងហ្សាកាតានៅថ្ងៃសៅរ៍នេះ ដោយធ្វើឡើងក្រោមប្រធានបទស្តីពី សុខភាព និងសន្តិសុខយ៉ាងតឹងរ៉ឹងក្នុងកំពុងពេលមានជំងឺរាតត្បាតនេះ។
ទោះយ៉ាងណាមន្ត្រីរដ្ឋាភិបាលថៃម្នាក់បាននិយាយកាលពីថ្ងៃសៅរ៍កន្លងទៅថា លោក Min Aung Hlaing មេរបបយោធានឹងទៅទីក្រុងហ្សាកាតាដោយមិនដឹងថាមេដឹកនាំប៉ុន្មាននាក់នឹងចូលរួមដោយផ្ទាល់នោះទេ។
យោធាមីយ៉ាន់ម៉ាបានបង្ហាញឆន្ទៈតិចតួចប៉ុណ្ណោះក្នុងការទាក់ទងជាមួយប្រទេសជិតខាងហើយក្នុងនោះក៏គ្មានសញ្ញាណណាមួយដែលយោធាមីយ៉ាន់ម៉ាចង់និយាយជាមួយសមាជិករដ្ឋាភិបាលដែលខ្លួនបានបណ្តេញចេញនោះទេ។
អ្នកនយោបាយគាំទ្រលទ្ធិប្រជាធិបតេយ្យរួមទាំងសមាជិកសភាដែលត្រូវបានបណ្តេញចេញពីគណបក្សរបស់លោកស្រីស៊ូជី បានប្រកាសអំពីការបង្កើតរដ្ឋាភិបាលបង្រួបបង្រួមជាតិមួយ (NUG) នៅថ្ងៃសុក្រនេះផងដែរ។
NUG បាននិយាយថា រដ្ឋាភិបាលបង្រួបបង្រួមជាតិនេះ គឺជាអាជ្ញាធរស្របច្បាប់ហើយបានអំពាវនាវឱ្យមានការទទួលស្គាល់ជាអន្តរជាតិព្រមទាំងអោយកិច្ចប្រជុំនាថ្ងៃសៅរ៍ខាងមុខធ្វើការដោយអញ្ជើញខ្លួនឱ្យចូលរួមកិច្ចប្រជុំអាស៊ានដោយជំនួសកន្លែងរបស់លោក Min Aung Hlaing ។
បេសកជនពិសេសរបស់អគ្គលេខាធិការអង្គការសហប្រជាជាតិ លោកស្រី Antonio Guterres ប្រចាំប្រទេសមីយ៉ាន់ម៉ា និងលោក Christine Schraner Burgener បានទំនាក់ទំនងជាមួយយោធាចាប់តាំងពីរដ្ឋប្រហារមកម្ល៉េះ ប៉ុន្តែរបបយោធាមិនបានអនុញ្ញាតឱ្យលោកស្រីធ្វើទស្សនកិច្ចនោះទេ។
ប្រព័ន្ធផ្សព្វផ្សាយរដ្ឋមីយ៉ាន់ម៉ាបាននិយាយនៅថ្ងៃច័ន្ទនេះថា ជនស៊ីវិល ២៥៨ នាក់បានស្លាប់នៅក្នុងអំពើហឹង្សាក្នុងប្រទេសចំពោះការប្រឆាំងនឹងយោធាចាប់តាំងពីថ្ងៃទី ១ ខែកុម្ភៈមក ហើយចំនួនអ្នកផ្សេងទៀតត្រូវបានគេបំផ្លើស។ បើយោងទៅតាមក្រុមសកម្មជនជំនួយសម្រាប់ក្រុមអ្នកទោសនយោបាយ (AAPP) បានអោយដឹងថា មនុស្សចំនួន ៧៣៨ នាក់ត្រូវបានសម្លាប់ដោយកងកម្លាំងសន្តិសុខចាប់តាំងពីមានការបើកឆាករដ្ឋប្រហារ៕
ប្រភព៖ រ៉យទ័រ