ខេត្តស្វាយរៀង ៖ លោក ម៉ែន វិបុល អភិបាលខេត្តស្វាយរៀង និងជាប្រធានគណៈកម្មការប្រយុទ្ធប្រឆាំងនឹងជំងឺកូវីដ១៩ខេត្ត នាព្រឹកថ្ងៃពុធទី២១ ខែមេសា ឆ្នាំ២០២១នេះ បានអញ្ជើញទទួលយកអំណោយពីលោក ឡូ អ៊ុយឡុង អ្នកវិនិយោគផ្សារ អន្តរជាតិបាវិត ដែលបានឧបត្ថម្ភនូវសម្ភារៈមួយចំនួនដើម្បីប្រើប្រាស់ក្នុងយុទ្ធនាការប្រយុទ្ធប្រឆាំងជំងឺកូវីដ១៩ ។
អំណោយទាំងនោះរួមមាន៖ ម៉ាស ២កេស ស្មើនឹង៥០០០ម៉ាស់,អាល់កុល ០៣កាន, អង្ករ១០បាវ ក្នុង១បាវ៥០គីឡូក្រាម , មី២កេសធំ , ទឹកសុទ្ធវីតាល់៥០កេស សរុបជាថវិការចំនួន១០០០ដុល្លា។
លោក ម៉ែន វិបុល អភិបាលខេត្តបានថ្លែងនូវការអរគុណដល់លោក ឡូ អ៊ុយឡុង ដែលបានចូលរួមបរិច្ចាគនូវអំណោយជាសម្ភារៈសម្រាប់គាំទ្រដល់រដ្ឋបាលខេត្តស្វាយរៀង ដើម្បីចាត់ចែងក្នុងការងារប្រយុទ្ធប្រឆាំង នឹងជំងឺកូវីដ១៩ ទាំងនេះ ជាកាយវិការប្រកបដោយសប្បុរសធម៌ និងជាវប្បធម៌នៃការចែករំលែកក្នុងសង្គម ទៅលើការជួយគ្នាក្នុងបរិបទនៃជំងឺកូវីដនាពេលបច្ចុប្បន្ននេះ។
លោកអភិបាលខេត្តបានបន្ថែមថា អំណោយដែលបានផ្ដល់ជូនដល់រដ្ឋបាលខេត្តនៅថ្ងៃនេះ និងយកទៅចាត់ចែងប្រើប្រាស់ក្នុងសកម្មភាពនានា នៃយុទ្ធនាការប្រយុទ្ធប្រឆាំងនឹងជំងឺកូវីដ១៩ ឱ្យចំទិសដៅ ស្របតាមអនុសាសន៍ណែនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕រក្សាសិទ្ធិដោយ៖វ៉ៃកូ
