ប្រធានាធិបតីចិនលោកស៊ី ជីនពីងនឹងចូលរួមកិច្ចប្រជុំកំពូលក្នុងការដោះស្រាយបញ្ហាបម្រែបម្រួលអាកាសធាតុដែលសហរដ្ឋអាមេរិកជាអ្នករៀបចំឡើងនៅថ្ងៃព្រហស្បតិ៍នេះ។ ការចូលរួមរបស់លោកគឺក្រោយពេលដែលមានការអញ្ចើញពីលោកចូបៃដិន ខណៈជំនួបនេះគឺជាការជួបលើកដំបូងរវាងមេដឹកនាំប្រទេសទាំង២ ដោយគិតចាប់តាំងពីវត្តមានរដ្ឋបាលថ្មីរបស់សហរដ្ឋអាមេរិកបានកើតឡើង។
លោក ចូបៃ ដិនបានអញ្ចើញមេដឹកនាំជាច្រើននៅលើពិភពលោកដើម្បីចូលរួមកិច្ចប្រជុំតាមប្រព័ន្ធអនឡាញក្នុងរយៈ២ថ្ងៃដោយចាប់ផ្តើមពីថ្ងៃព្រហស្បតិ៍នេះ បន្ទាប់ពីសហរដ្ឋអាមេរិកបានចូលកិច្ចព្រមព្រៀងទីក្រុងប៉ារីសឆ្នាំ ២០១៥ ស្តីពីការកាត់បន្ថយការបញ្ចេញកាបូនពិភពលោក។
អ្នកនាំពាក្យក្រសួងការបរទេសចិនលោក Hua Chunying បាននិយាយក្នុងសេចក្តីថ្លែងការណ៍ថា លោកជីនពីងនឹងចូលរួមកិច្ចប្រជុំតាមរយៈវីឌីអូ និងថ្លែងសារដែលមានសារៈសំខាន់មួយចំនួនទៀត។ ទីក្រុងប៉េកាំង និងទីក្រុងវ៉ាស៊ីតោនបានប៉ះទង្គិតគ្នាជាបន្តបន្ទាប់ ជុំវិញបញ្ហាជាច្រើនដែលទាក់ទងនឹងការរំលោភបំពានសិទ្ធិមនុស្សដែលត្រូវបានសហរដ្ឋអាមេរិកចោទប្រកាន់ទៅនឹងឥទ្ធិពលសេដ្ឋកិច្ចរបស់ប្រទេសចិនលើប្រទេសដទៃទៀត។
កាលពីខែមុន ទីក្រុងអាឡាស្កា(សហរដ្ឋអាមេរិក) និងមន្ត្រីចិនបានបើកកិច្ចពិភាក្សាដោយផ្ទាល់ជាលើកដំបូងដែលមានបញ្ហាប្រឡាក់ក្រឡាគ្នា ដោយកិច្ចប្រជុំទាំងមូលមិនមានភាពជោគជ័យលើផ្នែកការទូតនោះទេ។ ប៉ុន្តែប្រទេសទាំង២ដែលជាប្រទេសមានការបញ្ចេញឧស្ម័នផ្ទះកញ្ចក់ធំជាងគេលើពិភពលោកនេះ ត្រូវបានស្វែងរកពីផលប្រយោជន៍ក្នុងការចូលរួមប្រយុទ្ធប្រឆាំងទៅនឹងការបម្រែបម្រួលអកាសធាតុនេះ។
កាលពីសប្តាហ៍មុន បេសកជនផ្នែកអកាសធាតុរបស់សហរដ្ឋអាមេរិកលោក John Kerry បានធ្វើទស្សកិច្ចទៅកាន់ទីក្រុងសៀងហៃដើម្បីជួបជាមួយសមភាគីចិនជាលើកដំបូងដែលនេះជាការធ្វើទស្សនកិច្ចទៅកាន់ប្រទេសចិនដោយមន្ត្រីរដ្ឋបាលលោកចូបៃដិន។ បន្ទាប់ពីជំនួបនេះហើយ ប្រទេសទាំង២បានឯកភាពគ្នាលើសកម្មភាពជាក់ស្តែង( ឆ្នាំ២០២០) ដើម្បីកាត់បន្ថយការបំភាយឧស្ម័ន។ កិច្ចពិភាក្សានេះក៏បានកត់ សម្គាល់ពីការបន្តការកិច្ចពិភាក្សាអំពីអាកាសធាតុដែលបានបញ្ឈប់ក្នុងអំឡុងពេលរដ្ឋបាលលោកដូណាល់ត្រាំដែលបានដកខ្លួនចេញពីកិច្ចព្រមព្រៀងក្រុងប៉ារីសកន្លងទៅ៕
ប្រភព៖ រ៉យទ័រ