ភ្នំពេញ ៖ គ្រួសារមួយមានសមាជិក១២នាក់ រស់នៅក្នុងភូមិ៨ សង្កាត់បឹងសាឡាង ខណ្ឌទួលគោក រាជធានីភ្នំពេញ ជាប់ធ្វើចត្តាឡីស័ករហូតចំនួន ១៧ ថ្ងៃ ពួកគាត់សម្រេចចិត្តបង្ហោះសារស្វែងរកជំនួយ ទើបចៅសង្កាត់បឹងសាឡាង នាំយកអង្ករជូនពួកគាត់។
តែទោះយ៉ាងណា នៅពេលនេះ គ្រួសារដ៏កម្សត់នេះ បានទទួលការជួយឧបត្ថម្ភពីសប្បុរសជនម្នាក់ ដែលបានផ្តល់ជាអង្ករចំនួន ៣ បាវ និងមី២កេះផងដែរ។ ដោយក្នុងនោះ ពួកគាត់បានថ្លែងអំណរគុណយ៉ាងជ្រាលជ្រៅថា៖ «សូមថ្លែងអំណរគុណដល់ក្រុមការងារបងប្រុស (តាំង គឹមលេង) ដែលបានយកអង្គរ និងមី មកដល់ក្រុមគ្រួសាររបស់ខ្ងុំដែលកំពុងតែខ្វះខាតស្បៀងហូប។»៕ រក្សាសិទ្ធិដោយ៖ លឹម ហុង
