Friday, December 2, 2022

ក្រសួង​សង្គមកិច្ច​អតីត​យុទ្ធ​ន​ជន​បើក​វគ្គ​ស្តីពី​អំពើ​ជួញដូរ​និង​ធ្វើ​អាជីវកម្ម​ផ្លូវភេទ​ស្នាក់នៅ​មណ្ឌល​ឲ្យ​ជោគជ័យ​

spot_img

ព្រះសីហនុ​៖​ថ្នាក់ដឹកនាំ​ក្រសួង​សង្គមកិច្ច​អតីតយុទ្ធជន និង​យុវ​នីតិ​សប្ប​ទា សហការ​ជាមួយ​តំណាង​អង្គការ​ជាតិ​អន្តរជាតិ ដែលជា​ដៃគូរ​អភិវឌ្ឃន៍ ធ្វើការ​ពាក់ព័ន្ធ​ការប្រយុទ្ធប្រឆាំង​អំពើ​ជួញដូរ​មនុស្ស ក្នុងប្រទេស​កម្ពុជា បាន បើក​វគ្គ​បណ្ដុះបណ្ដាល​ស្តីពី​បទដ្ឋាន​អប្បបរមា សម្រាប់​ការថែទាំ​ជនរងគ្រោះ ដោយ​អំពើ​ជួញដូរ​មនុស្ស និង​អំពើ​ធ្វើ​អាជីវកម្ម​ផ្លូវភេទ ដែល​ស្នាក់នៅ​មជ្ឈមណ្ឌល និង​បទដ្ឋាន​អ​ប្បរមា ស្តីពី​កិច្ចការពារ​សិទ្ធិ​ជនរងគ្រោះ​ដោយ​អំពើ​ជួយ​ដូរ​មនុស្ស​។​

​វគ្គ​បណ្តុះបណ្តាល​នេះ មាន​រយៈពេល ២​ថ្ងៃ ចាប់ពី​ថ្ងៃទី​២៤ ដល់​ថ្ងៃទី​២៥ ខែតុលា ឆ្នាំ​២០១៧ នា​សាលប្រជុំ របស់ មន្ទីរ​សង្គមកិច្ច​អតីតយុទ្ធជន និង​យុវនីតិសម្បទា ខេត្ត​ព្រះសីហនុ​។​

​វគ្គ​បណ្តុះបណ្តាល​នេះ មន្ត្រី​ជំនាញ បានផ្តល់​ការអប់រំ​ដល់​សិក្ខាកាម មកពី​ក្រសួង​ស្ថាប័ន​ពាក់ព័ន្ធ នៃ​រាជរដ្ឋាភិបាល និង​អង្គការ​ដៃគូរ​អភិវឌ្ឍ​នានា អំពី​នីតិវិធី នៃ​ការកំណត់​អត្តសញ្ញាណ​ជនរងគ្រោះ ដោយ​អំពើ​ជួញដូរ​មនុស្ស​ជា​មូលដ្ឋាន ដើម្បី​ផ្តល់​ភាពងាយស្រួល​ក្នុងការ​ជួយផ្ដល់​សេវា​ដល់​ជនរងគ្រោះ និង​ជន​ងាយ​រងគ្រោះ ឲ្យ​ទទួលបាន​សេវា​សង្គ្រោះ​ចាំបាច់ និង​សមស្រប ដើម្បី​ដោះស្រាយ​តំរូវការ​បឋម​។​

​នាឱកាស​នោះ លោកស្រី ខៀវ បូរី រដ្ឋលេខាធិការ​ក្រសួង​សង្គមកិច្ច​អតីតយុទ្ធជន និង​យុវនីតិសម្បទា ដែល​ចូលរួម​ជា​អធិបតី បានចាត់ទុក​វគ្គប​ណ្ដុះ​បណ្ដាល​នេះ ថា​នឹង​ផ្តល់នូវ​ចំណេះដឹង​អំពី​នីតិវិធី នៃ​ការកំណត់​អត្តសញ្ញាណ​ជនរងគ្រោះ ដើម្បី​ដោះស្រាយ​តំរូវការ​បឋម​ចាំបាច់​ដល់​ពួកគេ ឲ្យ​បាន​កាន់តែ​ប្រសើរ​ថែមទៀត​នា​ថ្ងៃ​អនាគត​។ លោកស្រី​បន្តថា ក្រោម​ការដឹកនាំ របស់ សម្តេចនាយក​រដ្ឋមន្ត្រី ហ៊ុន សែន គឺ​ប្រមុខ​ដឹកនាំ​បានចាត់ទុក​ការងារ​ប្រយុទ្ធប្រឆាំង​អំពើ​ជួញដូរ​មនុស្ស ជា​សកម្មភាព​អទិភាព​មួយ ដែល​រដ្ឋាភិបាល កំពុង​យកចិត្តទុកដាក់​។​

​ចំណែក លោកស្រី ហៀក ហ៊ី​មុ​ល្លី អភិបាលរង​ខេត្ត​ព្រះសីហនុ ក៏បាន​ចាត់ទុក​វគ្គប​ណ្តុះ​បណ្តាល​នេះ ថា​មាន​សារៈសំខាន់ ដើម្បី​ឆ្លើយតប​ការងារ​ទប់ស្កាត់ និង​សង្គ្រោះ​ជនរងគ្រោះ អំពើ​ជួញដូរ​មនុស្ស នា​ខេត្ត​ព្រះសីហនុ ក៏ដូចជា​នៅ​ទូទាំង​ព្រះរាជាណាចក្រ​កម្ពុជា​ទាំងមូល​។ លោកស្រី ស្នើ​ដល់​សិក្ខាកាម មកពី​ស្ថាប័ន​ពាក់ព័ន្ធ​ទាំងអស់ ដែល​ធ្វើ​ការងារ​ពាក់ព័ន្ធ ការប្រយុទ្ធប្រឆាំង​អំពើ​ជួញដូរ​មនុស្ស ត្រូវ​ចូលរួម​សហការ និង​ផ្តល់នូវ​បទ​ពី​សោធន៍​ល្អ ឲ្យ​គ្នា​ទៅវិញទៅមក ដើម្បី​ឈានទៅ​រួមគ្នា​ទប់ស្កាត់​អំពើ​ជួញដូរ​មនុស្ស ឬ​កុមា រ​ឲ្យ​ទទួលបាន​ជោគជ័យ ស្របតាម​ការចង់បាន របស់​រាជរដ្ឋាភិបាល​បានកំណត់​៕ ដោយ ៖ សត្យា