ពេលតាមឃ្លាំមើលដោយផ្ទាល់ភ្នែកនូវកាមេរ៉ា ដែលតម្លើងក្នុងស្ថានីយ៍ បុគ្គលិកជើងចាស់ម្នាក់នៅទីនោះពិតជាមានការតក់ស្លុតរកអ្វីប្រៀបផ្ទឹមពុំបាន។
ឆាណែល Youtube, Hidden Hidden Underbelly 2.0 ថ្មីៗនេះបានបង្ហោះខ្សែវីដេអូមួយ បានបង្ហាញឲ្យឃើញនូវបាតុភូតអរូបីមួយកើតឡើងនៅប្រទេសចិន។
តាម The sun ខ្សែវីដេអូនេះត្រូវបានបញ្ជាក់ថា ថតនៅស្ថានីយ៍ ទីក្រុង Baotou ទីក្រុងស្វយ័ត ម៉ុងហ្គោលី កាលពីថ្ងៃទី ១០ មីនា កន្លងមក។ ខ្សែវីដេអូ បានបង្ហាញឲ្យឃើញនូវស្រមោលខ្សែរថយន្តភ្លើងមួយចូលដល់ស្ថានីយ៍ រួចក៏នៅស្ងៀម។
ស្រមោលនៃតួអាចសម្លឹងឃើញព្រាលៗ
“រថភ្លើងខ្មោច” នេះត្រូវបានចាត់ទុកថា ចូលដល់ក្នុងស្ថានីយ៍ ហើយហាក់ដូចជាឈប់ដើម្បីរង់ចាំទទួលអ្នកដំណើរ។ គេអាចសំឡឹងឃើញភ្លើងហ្វារបស់រថភ្លើង និងបណ្តាទូរ”រថភ្លើងខ្មោច” ពេលវាធ្វើចលនា ខណៈពេលនោះឯងបុគ្គលិកប្រចាំការនៅស្ថានីយ៍ មានភារកិច្ចត្រួតពិនិត្យកាមេរ៉ានេះ ហើយស្រឡាំងកាំងនិយាយលែងចេញ។
បុគ្គលិកនេះបម្រើការងារជាង១២ឆ្នាំមកហើយ នៅស្ថានីយ៍នេះ ហើយពុំធ្លាប់ឃើញរឿងអ្វីស្រដៀងគ្នានេះឡើយ។ លោកក៏លើកដៃបួងសួងថា សូមកុំឲ្យជួបរឿងបែបនេះម្តងទៀត។
ខ្សែវីដេអូនេះ ទើបបានបង្ហោះលើបណ្តាញសង្គម ៤ថ្ងៃប៉ុណ្ណោះ។ ពិតណាស់ វាមានមតិជាច្រើន បានលើកឡើង។
យ៉ាងណាប្រិយមិត្តទស្សនា និងឲ្យតម្លៃ ៕ ចន្ទ្រា