ប្រជាពលរដ្ឋនៅភូមិមួយនាភាគនិរតីប្រទេសចិន បានរកឃើញផ្សិតមួយគុម្ពដ៏កម្រ និងមានកម្ពស់ដល់ទៅជិត១ម៉ែត្រ។
ដើមផ្សិតដ៏ធំសម្បើម
ប្រជាជនម្នាក់នៅស្រុកដាំងស៊ុង ខេត្តយូណានបានចូលព្រៃដើម្បីដើររកផ្សិតក៏ប្រទះឃើញដើមផ្សិតដ៏ធំមួយកាលពីថ្ងៃទី២២ ខែ១០ បុរសចំណាស់ដែលរកឃើញផ្សិតនេះ “ខ្ញុំអាយុ៨១ឆ្នាំហើយ ពុំដែលឃើញផ្សិតណាដើមធំដូចនេះឡើយ”។
ប្រជាជននៅភូមិបានហៅវាថា “សេ្តចផ្សិត” ផ្សិតមួយគុម្ពនេះមាន៤ដើម និងទម្ងន់សរុបប្រមាណ៥០គីឡូក្រាម ដើមផ្សិតដែលខ្ពស់បំផុតគឺ ៩៤,៣សង់ទីម៉ែត្រ វិជ្ជមាឌនៃគម្របខាងទំហំ ៤០សង់ទីម៉ែត្រ ។ មនុស្សម្នាជាច្រើនបានមកទស្សនានិងថតយករូបភាព ជាហេតុធ្វើឲ្យពលរដ្ឋនៅទីនោះធ្វើរបងព័ទ្ធជុំវិញដើម្បីការពារ ។
Yang Zhuliang ដែលជាអ្នកជំនាញការនៃវិទ្យាស្ថានវិទ្យាសាស្ត្ររុក្ខជាតិចិន នាខេត្តគួនមីង ឲ្យដឹងថា នេះជាប្រភេទផ្សិតដែលអាចបរិភោគបាន។ ប្រជាពលរដ្ឋក្នុងភូមិសង្ឃឹមថា ផ្សិតនេះនឹងត្រូវបានចុះក្នុងបញ្ជីឯកតទគ្គកម្មពិភពលោកហ្គីណេស ថាជាដើមផ្សិតធំបំផុតពិភពលោក៕ ដោយ៖ សូយន