ភ្នំពេញ ៖ ជឿថា ប្រិយមិត្តបានដឹងច្បាស់ហើយ ទាក់ទងរឿងគ្រួសារប្តីប្រពន្ធរបស់លោក សុវណ្ណ រិទ្ធី ដែលថ្មីៗនេះ បានបង្កឲ្យមានការភ្ញាក់ផ្អើលជាខ្លាំង ខណៈដែលប្រពន្ធរបស់លោក បានឈានដល់ការបំផ្លិចបំផ្លាញរថយន្ត និងព្រមទាំងផ្ទុះពាក្យសម្តីដ៏មិនសមរម្យ ដាក់ទៅគ្នាទៅវិញទៅមកទៀតផង។ ហើយជុំវិញរឿងរ៉ាវដែលបានកើតឡើងនេះផងដែរ គឺដោយសារនៅពេលប្រពន្ធមកទាមទារយកឡាន ហើយបានឃើញស្បែកជើងកែងមនុស្សស្រីមួយគូ នៅក្នុងរថយន្តរបស់លោក សុវណ្ណ រិទ្ធី។
ពិតណាស់ ប្រិយមិត្តអ្នកតែងតាមដានជីវិតប្តីប្រពន្ធមួយគូនេះ ប្រាកដណាស់ដឹងច្រើនហើយ ចំពោះមូលហេតុ ដែលនាំឲ្យប្តីប្រពន្ធអ្នកទាំងពីរ មិនអាចនៅរួមរស់ជាមួយគ្នាបាន ពោលគឺចាប់តាំងចាកចេញពីពន្ធនាគារមក លោក សុវណ្ណ រិទ្ធី បានបន្តប្រើជីវិតរស់នៅឯកោរហូតមកដល់ពេលនេះ។
យ៉ាងណាមិញ ក្រោយប្រពន្ធបានយកកាំបិតកាប់បំផ្លាញរថយន្តរួច ស្រាប់តែលោក សុវណ្ណ រិទ្ធី បានទម្លាយចេញមូលហេតុជាច្រើន មិនអាចរស់នៅជាមួយប្រពន្ធបាន ប៉ុន្តែ នៅក្នុងពេលឡាយ (Live) នោះ លោកក៏បានទាញលើកយករឿងអ្នកនាង បញ្ចកា ជាមួយតារាសម្តែងលោក អេដវីន មកឡូកឡំ ដោយនិយាយថា ខ្លួនមិនអាចរស់នៅជាមួយមនុស្សស្រីប្រើអំពើហិង្សា ដូចលោក អេដវីន ត្រូវប្រពន្ធវាយជារឿយៗ និងទ្រាំពុំបានវាយប្រពន្ធវិញរហូតចូលគុកបែបនេះនោះទេ ដែលជាហេតុធ្វើឲ្យអ្នកនាង បញ្ចកា បានផ្ទុះកំហឹងយ៉ាងខ្លាំងរហូតដាក់ទៅកាន់លោក សុវណ្ណ រិទ្ធី ធ្ងន់ៗថា៖
«ហើយនិយាយចឹងចង់បានន័យថាម៉េច? អើយ អាល្អអើយ អញថាមិនចង់ជ្រលក់ទេ មានតែពេលមានរឿងដំបូង អញខំ និយាយពន្យល់ប្រពន្ធវាថា “ បើអត់អោនបាន ក៏អត់ទៅ ឲ្យប្តីទៅមួយខ្យល់សិនទៅ ប្តីយើងនៅតែជាប្តីយើងទេ សំខាន់អាណិតកូន កុំលែងគ្នាអី “ មិនដែលទៅ share ឬ និយាយពីរឿងវាសូម្បីម្ដង ដោយសារគិតថាជា idol ដែលចូលចិត្តការងារសង្គមវា ហើយក៏ស្គាល់ប្រពន្ធវា!
ដល់ចុងក្រោយ អញល្បិច អញអាក្រក់ ម៉ាអាចោរ Ice នេះ ! អត់នៅក្នុងគ្រួសារគេផង មកអាណិតប្តីអញយ៉ាងមិច? ប្តីអញដឹងខុស សូមទោសគ្រួសារអញ និងម្នាក់បងប្រុសអញ ដែលគេយល់ច្រឡំមុខប៉ូលិសទៀត តែដោយសាររឿងនេះ រឿងព្រម្មទណ្ឌ ទើបត្រូវចូល jail សិន! សួរប៉ូលិសតុលាការទៅដឹងហើយ ដៃប្តីអញជាប់ខ្នោះ អញយកដៃអញទៅស៊កចូលប្រឡោះខ្នោះហ្នឹង ដើម្បីកុំឲ្យគាត់មានអារម្មណ៍ឯការ អញចេញចូលមុខគុក ឡើងស្គាល់ប៉ូលិសម្តុំហ្នឹងអស់ហើយ! ហើយលុយអាណា លុយអញរឿងគ្រួសារខ្លួនឯង មិននិយាយរឿងគ្រួសារខ្លួនឯងទេ មកទាញរឿងគ្រួសារគេ មកពាន់… yiii ម៉ាអាចោរ Hand in ខ្នោះ នេះ អូនអត់ដឹងអីផងងងង ធ្វើបាបអូន »៕ រក្សាសិទ្ធិដោយ៖ លឹម ហុង
