ភ្នំពេញ : ចៅក្រមស៊ើបអង្កេត នៃ សាលាដំបូងរាជធានីភ្នំពេញ កាលពី ថ្ងៃសៅរ៍ ទី ១០ ខែ កក្កដា នេះ បានសម្រេចឃុំខ្លួន បុរសខ្មែរម្នាក់ នៅក្នុងពន្ធនាគារ ជាបណ្ដោះអាសន្ន ជាប់ពាក់ព័ន្ធនឹងការស៊ីដាច់ ប្រាក់ចំនួន ៨ ម៉ឺនដុល្លារអាមេរិក ពីអ្នកវិយោគទុន ជនជាតិជប៉ុនម្នាក់ ប្រព្រឹត្តកាលពីអំឡុងខែ សីហាឆ្នាំ ២០២០។
មន្ត្រីនគរបាលព្រហ្មទ័ណ្ឌកំរិតរាជធានីភ្នំពេញ បានអោយដឹងថា ជនជាប់ចោទ រូបនេះ មាន ឈ្មោះ ឈុន មករា អាយុ៣៦ឆ្នាំ ភេទប្រុស មុខរបរជាមេការសំណង់ជណ្ដើរយន្ត និងលក់ជណ្ថើរយន្ត នៃក្រុមហ៊ុនជប៉ុន អុឹម សុីលិហ្វ សុីលូសិន។
ជនជាប់ចោទ ត្រូវបានតំណាងអយ្យការអមសាលាដំបូងរាជធានីភ្នំពេញ សម្រេចចោទប្រកាន់ពី ” រំលោភលើទំនុកចិត្ត ” តាមបញ្ញត្តិមាត្រា ៣៩១ និង ៣៩២ នៃ ក្រុមព្រហ្មទណ្ឌ នៃ ព្រះរាជាណាចក្រកម្ពុជា។
សមត្ថកិច្ចនគរបាលបានបញ្ចក់ថា ជនជាប់ចោទឈ្មោះ ឈុន មរាក ត្រូវបានចាប់ខ្លួន កាលពីថ្ងៃទី ០៨ ខែ កក្កដា ២០២១ តាមពាក្យបណ្ដឹងរបស់លោក shinghiko toyoshi ជានាយកក្រុមហ៊ុន អុឹមសុីលិហ្វ សុីលូសិន ជាភាគីដើមចោទ និង ជាជនរងគ្រោះ។
យោងតាមពាក្យបណ្ដឹងរបស់ជនរងគ្រោះ បានអោយដឹងថា កាលពីថ្ងៃទី ១៣មីនា ឆ្នាំ២០២០ ក្រុមហ៊ុនជប៉ុន បានប្រគល់សំណង់ជណ្ដើរយន្តអោយជនជាប់ចោទ ឈុន មករា ដើម្បីតម្លើងអោយអតិថិជនឈ្មោះ ប្រាក់ ហម ជាមួយនិងការទូទាត់ប្រាក់រួចគ្រប់ចំនួន ប៉ុន្តែ ឈុន មករា មិនបានបង្វិលប្រាក់អោយទៅក្រុមហ៊ុននោះទេ ។
រហូតដល់ថ្ងៃទី ២៨មេសា ឆ្នាំ២០២០ ក្រុមហ៊ុនបានប្រគល់សម្រងជណ្ដើរយន្ត លក់ ទិញ អោយការិយាល័យក្រុមហ៊ុន ធីធីសុីវីអុឹមផត ដោយមានការចុះកិច្ចសន្យាប្រគល់ប្រាក់ ជាបន្តបន្ទាប់ ពីអតិថិជនមកអោយឈ្មោះឈុន មករា ដែលជាមេការផ្នែកលក់ ប៉ុន្តែជនជាប់ចោទរូបនេះមិនបានបង្វិលប្រាក់ចូលក្រុមហ៊ុនទេ។
ក្រោយមក នៅថ្ងៃទី ១១ខែសីហា ឆ្នាំ២០២០ ក្រុមហ៊ុនតាមរយៈ ឈ្មោះ ឈុន មករា បានលក់ជណ្ដើរយន្តអោយអតិថិជនឈ្មោះ ប៊ុន ហៃ ដោយមានការចុះកិច្ចសន្យាលក់ ទិញ និងប្រគល់ប្រាក់អោយទៅជនជាប់ចោទឈ្មោះ ឈុន មករា បានប្រមូលយកប្រាក់ពីការលក់ជណ្ដើរយន្តទាំង៣គ្រឿង មានតម្លៃសរុបចំនួន ៨៣ ៧៣០ ដុល្លារ ទុកជាប្រយោជន៍ផ្ទាល់ខ្លួន។
ដើម្បីទាមទារការខូចខាតខាងលើនេះ ប្រធានក្រុមហ៊ុនជប៉ុន ដែលជាជនរងគ្រោះ ក៏ដាក់ពាក្យបណ្ដឹង ជនជាប់ចោទ ទៅកាម់ សមត្ថកិច្ចនគរបាល នៃ ស្នងការដ្ឋាននគរបាលរាជធានីភ្នំពេញ ដើម្បីចាត់ការការតាមច្បាប់។
ទាក់ទងនឹងការចោទប្រកាន់ខាងលើនេះ, ជនជាប់ចោ ឈ្មោះ ឈុន មករា មិនអាចទាក់ទង ដើម្បីសុំការបំភ្លឺបានឡើយ៕
រក្សាសិទ្ធិដោយ ចន្ទា ភា