ភ្នំពេញ ៖ បើតាមរបាយការណ៍ពីអគ្គស្នងការនគរបាលជាតិ បានឲ្យដឹងថា មានយានយន្ត សរុបចំនួន ៨០០គ្រឿង នៅទូទាំងប្រទេស ត្រូវបានកម្លាំងនគរបាលត្រួតពិនិត្យ និងផាកពិន័យ នៅថ្ងៃទី១២ ខែកក្កដា ឆ្នាំ២០២១នេះ ក្នុងនោះ មានម៉ូតូ ៦៣៣គ្រឿង និងរថយន្ត ១៦៧គ្រឿង។
លោកឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានបញ្ជាក់ថា បទល្មើសដែលត្រូវបានកត់សម្គាល់ រួមមាន ÷
- សម្រាប់ម៉ូតូ គឺភាគច្រើនអត់មួក ល្មើសសញ្ញាចរាចរណ៍, ដឹកលើសចំណុះ , និយាយទូរស័ព្ទ និងអត់ស្លាកលេខ ជាដើម។
- សម្រាប់រថយន្ត ល្មើសល្បឿន , ល្មើសសញ្ញាចរាចរណ៍ , អត់ប័ណ្ណបើកបរ , អត់ស្លាកលេខ , និយាយទូរស័ព្ទ , អត់ខ្សែក្រវាត់ ជាដើម។
សូមបញ្ជាក់ថា គិតចាប់ពីថ្ងៃទី០១ ខែមករា ដល់ ថ្ងៃទី១២ ខែកក្កដា ក្ឆ្នាំ២០២១នេះ នគរបាលចរាចរណ៍ទូទាំងប្រទេស បានត្រួតពិនិត្យ និងផាកពិន័យយានយន្តសរុប ចំនួន ១១៤,៥០៧គ្រឿង ក្នុងនោះ មានម៉ូតូ ៨៤,៣៧៧គ្រឿង និងរថយន្តគ្រប់ប្រភេទ ៣០,១៣០គ្រឿង៕ រក្សាសិទ្ធិដោយ៖ពិសិដ្ឋ CEN
