អ្នកលេងបណ្តាញសង្គម Instagram ដ៏មានប្រជាប្រិយភាពម្នាក់ នៅក្នុងទីក្រុងហុងកុង បានបាត់បង់ជីវិត បន្ទាប់ពីនាងបានបាត់បង់ជំហរ ហើយបានធ្លាក់ចុះពីកំពូលភ្នំ ខណៈពេលនាងកំពុងព្យាយាមថតរូប នៅក្នុងឧទ្យាន Ha Lai នៅទីក្រុង Tuen Mun កាលពីពេលថ្មីៗនេះ ដែលធ្វើឲ្យហ្វេនៗរបស់នាង សម្តែងនូវការសោកស្តាយជាខ្លាំង។
បើតាមប្រភពព័ត៌មានបានឲ្យដឹងថា កាលពីថ្ងៃទី១០ ខែកក្កដា ស្រីស្អាតឈ្មោះ Sophia Cheung អាយុ ៣២ ឆ្នាំ បានចាប់ផ្តើមឡើងភ្នំជាមួយមិត្តភក្តិ ៣ នាក់របស់នាង នៅម៉ោង១១ ព្រឹក ហើយនៅពេលនោះ នាងចង់ទៅថតរូបនៅក្បែរ Tsing Dai Stream ប៉ុន្តែ ជាអកុសល ទំនងជាបាត់បង់ជំហរ នាងក៏បានធ្លាក់ចូលក្នុងអាងទឹកជម្រៅ ៥ ម៉ែត្រ បណ្តាលឲ្យរងរបួសធ្ងន់ធ្ងរ និងបាត់បង់ជីវិតតែម្តង។
ក្រុមអ្នកជួយសង្គ្រោះបានមកដល់កន្លែងកើតហេតុ ហើយសាកសពរបស់នាង ត្រូវបានដឹកតាមឧទ្ធម្ភាគចក្រទៅកាន់មន្ទីរពេទ្យ Pamela Youde Nethersole នៅឆៃវ៉ាន -ជាកន្លែងដែលនាងត្រូវបានគេប្រកាសថាស្លាប់។
Sophia Cheung ត្រូវបានគេស្គាល់ តាមរយៈនាងតែងតែបង្ហាញរូបថតទេសភាពរបស់នាង និងដំណើរផ្សងព្រេងជាច្រើនកន្លែង ដែលនាងអាចធ្វើទៅបានជាមួយសកម្មភាពដ៏មិនធម្មតាស្ទើរតែមិនគួរឱ្យជឿ។
នាងគឺជាអ្នកចូលចិត្តឡើងភ្នំ និងតែងតែនធ្វើដំណើរទៅកាន់ទីកន្លែងតំបន់ភ្នំដូចជា Sunset Peak, Tai To Yan និង Pineapple នៅហុងកុង។
នាងបានផុសរូបភាពចុងក្រោយនៅលើបណ្តាញសង្គម Instagram នៅថ្ងៃទី៩ ខែកក្កដា មុនពេលនាងបានជួបរឿងដ៏អកុសលមួយនេះ៕ រក្សាសិទ្ធិដោយ៖ លឹម ហុង
