នាងសេកដ៏ប៉ិនប្រសប់ នរណាសំឡឹងឃើញក៏គួរឲ្យស្រឡាញ់ដែរ។
Rhea ជានាងសេកអភ័ព្វជ្រុះអស់រោមព្រោះតែជំងឺ ចំពោះបក្សីនិយាយរួមរោមរបស់វាមានតម្លៃស្មើជីវិត! រោមដែលក្រាសស្មើ ជួយរក្សាកម្តៅឲ្យរាងកាយ រីឯពណ៌សម្បុរនៃរោមប្រៀបដូចជាម៉ូតសម្លៀកបំពាក់ដែលវាត្រូវស្លៀកពេញមួយជីវិត។ នេះឯងក៏ជាលក្ខណៈសម្គាល់វាជាមួយនឹងសត្វបក្សីដទៃ។ ហេតុនេះដោយមូលហេតុណាមួយនោះ ធ្វើឲ្យវាជ្រុះរោមអស់ភាពស្អាតល្វតល្វន់របស់វាក៏ថមថយចុះដល់ទៅ ៩០% ឯណោះ។
Rhea គឺជានាងសេកអភ័ព្វបានរងការចម្លងវីរុសម្យ៉ាង ដែលធ្វើឲ្យរោមដ៏ស្រស់ឆើតឆាយរបស់វាត្រូវជ្រុះអស់ក្លាយជាសេកមួយក្បាលស្គមស្គាំង និងគួរឲ្យអាណិត !
ក្នុងរឿងស៊យតែងបង្កប់នូវរឿងសំណាង ក្រោយពេលវាត្រូវបានកម្មវិធីមួយអំពីសត្វធ្វើការឧទ្ទេសនាម ស្រាប់តែវាមាន “fan” គាំទ្រជាច្រើន ហើយពួកគេបានបញ្ជូនកាដូឲ្យវានូវសម្លៀកបំពាក់ស្រស់ឆើតឆាយជួយដល់នាងរក្សាកម្តៅរាងកាយផង។
ឥឡូវនេះ នាងសេកអភ័ព្វ ក្រោយពីគ្រងសម្លៀកបំពាក់ច្រើនឈុតគ្រប់ម៉ាកធ្វើឲ្យវាល្បីមិនចាញ់តារាបង្ហាញម៉ូតឡើយ។
ខាងក្រោមគឺជារូបភាពមួយចំនួនរបស់នាងសេកអភ័ព្វ ៖
ម្ចាស់ទាំងឡាយ! ចៃដន្យបើសេករបស់អ្នកជួបគ្រោះបែបនេះគប្បីធ្វើតាមម្ចាស់របស់ រី នោះសេករបស់អ្នកជួនកាលអាចក្លាយជាតារាបង្ហាញម៉ូតដែរណា!
