នេះគឺជាខណៈពេលដ៏ស្លុតរន្ធត់មួយ ដែលស្ត្រីជាប្រពន្ធម្នាក់ត្រូវបានប្តីរបស់នាងវាយចំនួន ១០០ ដង ជាការដាក់ទណ្ឌកម្ម ចំពោះទង្វើផិតក្បត់របស់នាង មុនពេលនាងដួលនៅចំពោះមុខហ្វូងមនុស្ស ដែលព្យាយាមរំលោភនាង ។
ស្ត្រីនេះដែលត្រូវបានចងដៃនឹងខ្សែពួរព្យួរនឹងដើមឈើធំមួយ អាចត្រូវបានលឺស្រែករោទ៍យ៉ាងឈឺចាប់ ខណៈប្តីរបស់នាងវាយនឹងខ្សែក្រវ៉ាត់យ៉ាងសន្ធាប់ ស្ថិតនៅក្នុងទីក្រុង Bulandshahr រដ្ឋ Uttar Pradesh ភាគខាងជើងនៃប្រទេសឥណ្ឌា ។
បើតាមប្រភពព័ត៌មាន បានអះអាងថា ខណៈនាងបានដួលសន្លប់បាត់បង់ស្មារតី ពួកអ្នកភូមិប្រុសៗមួយចំនួន បាននាំគ្នាបៀតបៀនកេរ្តិ៍ខ្មាស់នាង និងព្យាយាមរំលោភនាងទៀតផង ។ ហើយនៅពេលនាងដឹងខ្លួន ពួកគេបានព្រមាននាងកុំឲ្យនិយាយប្រាប់រឿងនេះទៅប៉ូលីស មុនពេលនាំគ្នាគេចចេញ ។
ការដាក់ទណ្ឌកម្មដ៏សាហាវនេះ ត្រូវបានអនុវត្តឡើង បន្ទាប់ពីតុលាការ Kangaro បានរកឃើញទោសកំហុសរបស់នាង ក្នុងករណីនាងបានរត់តាមប្រុសស្នេហ៍ ។
យោងតាមប៉ូលីស ស្ត្រីរូបនេះបានរត់ទៅជាមួយប្រុសស្នេហ៍របស់នាង សប្តាហ៍ដំបូងនៃខែមីនា ហើយកំពុងរួមរស់នៅជាមួយគ្នា នៅឯផ្ទៃសាច់ញាតិមួយ ។
នៅថ្ងៃទី១០ មីនា ប្តីរបស់នាងបានឲ្យមនុស្សម្នាក់ ទៅបញ្ចុះបញ្ចូលនាងវិលត្រឡប់មកផ្ទះវិញ ដោយប្រាប់នាងថា ពួកគេនឹងបំភ្លេចចោលរឿងអតីតកាលទាំងអស់ និងចាប់ផ្តើមសាងជីវិតថ្មីឡើងវិញ ។
ប៉ុន្តែ នៅពេលវិលត្រឡប់មកវិញ តុលាការអ្នកភូមិចំណាស់ៗត្រូវបានបង្កើតឡើង ដើម្បីដាក់ទណ្ឌកម្ម ដោយសម្រេចឲ្យប្តីរបស់នាងចងវាយនឹង ១០០ រំពាត់ ។
ទោះយ៉ាងណា អធិការប៉ូលីស Altaf Ansari បាននិយាយថា បុរសជាប្តីឈ្មោះ Suadan, អតីតប្រធានភូមិឈ្មោះ Sher Singh និងកូនប្រុសរបស់គាត់ឈ្មោះ Shravansinh ត្រូវបានចាប់ខ្លួនហើយ ខណៈអ្នកពាក់ព័ន្ធផ្សេងទៀត កំពុងតាមប្រមាញ់ផងដែរ ខណៈស្ត្រីជាប្រព័ន្ធដែលរងរបួសធ្ងន់ធ្ងរ ត្រូវបានបញ្ជូនទៅកាន់មន្ទីរពេទ្យ ដើម្បីពិនិត្យព្យាបាល ៕ ចន្ទី