កំពង់ចាម ៖ ដោយយោងលើក្រសួងសុខាភិបាល អនុញ្ញាតឱ្យមានការសម្រាកព្យាបាល អ្នកជំងឺកូវីដ-១៩ កម្រិតស្រាល នៅតាមផ្ទះ រដ្ឋបាលខេត្តកំពង់ចាម នាថ្ងៃទី០២ ខែសីហា ឆ្នាំ២០២១នេះ បានសម្រេចបង្កេីតក្រុមការងារថ្នាក់ខេត្ត ដេីម្បីគ្រប់គ្រង ថែទាំ និងព្យាបាលអ្នកជំងឺកូវីដ-១៩ នៅតាមផ្ទះ ដែលមានលោកអភិបាលខេត្ត អ៊ុន ចាន់ដា ជាប្រធាន។
ក្រុមការងារថ្នាក់ខេត្ត គ្រប់គ្រងថែទាំ និងព្យាបាលអ្នកជំងឺកូវីដ-១៩ នៅតាមផ្ទះក្នុងខេត្តកំពង់ចាម មានភារកិច្ច ដូចខាងតទៅ ÷
- រៀបចំគោលការណ៍ និងនីតិវិធីប្រតិបត្តិស្តង់ដារទាក់ទងនឹងការគ្រប់គ្រង ថែទាំ និងព្យាបាលអ្នកជំងឺកូវីដ-១៩ ព្រមទាំងគោលការណ៍ណែនាំផ្នែកបច្ចេកទេសសុខាភិបាល ដែលមានការពាក់ព័ន្ធផ្សេងទៀត។
- ដឹកនាំ និងសម្របសម្រួលជាមួយគណៈកម្មការប្រយុទ្ធនឹងជំងឺកូវីដ-១៩ ថ្នាក់ខេត្តទាក់ទងនឹងផ្នែកបច្ចេកទេស និងការព្យាបាល។
- រៀបចំផែនការផ្នែកធនធានមនុស្សធនធានសម្ភារៈ ធនធានបរិក្ខារ និងឱសថនិងធនធានថវិកាទាក់ទងនឹងសេវាព្យាបាលអ្នកជំងឺ-១៩នៅតាមផ្ទះ៕ រក្សាសិទ្ធិដោយ៖ពិសិដ្ឋ CEN
