កូរ៉េខាងត្បូងបាននិយាយកាលពីថ្ងៃចន្ទថា គ្មានការសម្រេចចិត្តណាមួយត្រូវបានធ្វើឡើង ចំពោះការចូលរួមសមយុទ្ធយោធា ជាមួយសហរដ្ឋអាមេរិកនោះទេ។ ប៉ុន្តែពួកគេមិនគួរបង្កើតភាពតានតឹងនោះទេ ក្រោយពេលដែលកូរ៉េខាងជើង បានព្រមានកូរ៉េខាងត្បូងប្រឆាំង នៃចូលរួមសមយុទ្ធនេះចំពេលសញ្ញាណ នៃទំនាក់ទំនងកំពុងធ្លាក់ចុះ។
កូរ៉េខាងត្បូង និងសហរដ្ឋអាមេរិកជានិច្ចកាលតែងតែ ចូលឆាករួមគ្នាធ្វើសមយុទ្ធយោធាក្នុងកំឡុងខែធ្លាក់ខ្យល់ និងរដូវក្តៅ។ ប៉ុន្តែកូរ៉េខាងជើងមិនទាន់បានឆ្លើយតបនៅឡើយនោះទេ ជាមួយការរិះគន់យ៉ាងចាស់ដៃបែបនេះខណៈខ្លួនបានហៅថា ការហាត់សមនេះគឺជាសញ្ញាណឈានដល់ផ្នែកសង្គ្រាម។
លោកស្រី គីម យូជុង ប្អូនស្រីមេដឹកនាំកូរ៉េខាងជើង លោកគីម ជុងអ៊ុន និងជាមន្ត្រីជាន់ខ្ពស់នៃគណបក្សពលករកូរ៉េខាងជើង បានព្រមានទៅដល់កូរ៉េខាងត្បូងកាលពីថ្ងៃអាទិត្យថា ការចាប់ដៃគ្នាធ្វើសមយុទ្ធជាមួយសហរដ្ឋអាមេរិក នឹងបន្ថែមការកាត់ផ្តាច់នូវប្រសិទ្ធភាព នៃការរឹតចំណងទំនាក់ទំនងរវាងគ្នាឡើងវិញ។
ការព្រមានរបស់លោកស្រីបានធ្វើឡើងប៉ុន្មានថ្ងៃ បន្ទាប់ពីប្រទេសកូរ៉េទាំងពីរបានស្តារឡើងវិញនូវខ្សែទូរស័ព្ទបន្ទាន់ ដែលព្យុងយ៉ាងបានផ្តាច់កាលពីមួយឆ្នាំមុន ខណៈដែលលោកគីមនិងប្រធានាធិបតីកូរ៉េខាងត្បូង លោកមូនជេអ៊ីនកំពុងស្វែងរកការផ្សះផ្សា ទំនាក់ទំនងដែលតានតឹង ហើយបន្តកិច្ចប្រជុំកំពូលឡើងវិញ។
ក្រសួងការពារជាតិក្រុងសេអ៊ូលថ្លែងនៅថ្ងៃចន្ទថា ទីក្រុងសេអ៊ូលនិងវ៉ាស៊ីនតោន គឺបានគ្រងគ្រងសមយុទ្ធ ប៉ុន្តែវាមិនមែនជាការសម្រេចចិត្តដែលធ្លាប់បានធ្វើនោះទេ។ លោក បូស៊ុង ចាន់អ្នកនាំពាក្យក្រសួងការបរទេសកូរ៉េខាងត្បូង ប្រាប់ត្រួសៗថា៖ «យើងគ្មានអ្វីដែលត្រូវបញ្ចេញមតិ ទៅលើសេចក្តីថ្លែងការណ៍របស់លោកស្រីគីម យូជុងនោះទេ។ ប៉ុន្តែពាក់ព័ន្ធទៅនឹងការហាត់សម ពេលវេលា និងវិធីសាស្ត្រគឺមិនទាន់បញ្ជាក់នៅឡើយទេ«។
លោក លីជុង ចូ អ្នកនាំពាក្យរបស់ក្រសួងបង្រួបបង្រួម ដែលគ្រប់គ្រងទៅលើកិច្ចការអន្តរកូរ៉េបាននិយាយថា ការហាត់សមយុទ្ធមិនគួរក្លាយ ជាប្រភពនៃភាពតានតឹងផ្នែកយោធា ដោយគ្មានការពន្យល់ដោយលំអិតលំអន់រនោះទេ។
សមយុទ្ធនេះត្រូវបានធ្វើឱ្យថយចុះ ក្នុងរយៈពេលប៉ុន្មានឆ្នាំចុងក្រោយនេះ ដើម្បីសម្រួលដល់កិច្ចចរចារវាងកូរ៉េខាងជើង និងរដ្ឋបាលរបស់អតីតប្រធានាធិបតីអាមេរិក លោកដូណាល់ត្រាំ ក្នុងគោលបំណងរុះរើកម្មវិធីនុយក្លេអ៊ែរ និងមីស៊ីលរបស់ក្រុងព្យុងយ៉ាង ជាថ្នូរនឹងការបន្ធូរបន្ថយទណ្ឌកម្មរបស់អាមេរិក។ ប៉ុន្តែកិច្ចចរចារបានជាប់គាំងបន្ទាប់ពីកិច្ចប្រជុំលើកទី២ ឆ្នាំ២០១៩បានបរាជ័យរវាង លោកគីម និងលោកត្រាំ៕
ប្រភព៖ CNA
រក្សាសិទ្ធិដោយ៖CEN