ដំណើរទស្សនកិច្ចគឺជាដំណើរទស្សនកិច្ចដំបូងទៅកាន់ប្រទេសក្រៅរបស់លោកគីម ជុងអ៊ុន គិតចប់តាំងពីឡើងកាន់អំណាចនៅឆ្នាំ ២០១១ ហើយវាត្រូវបានក្រុមអ្នកវិភាគជឿថា វាជាការត្រៀមបម្រុងសម្រាប់សន្និសីទកំពូលខាងមុខនេះជាមួយអាមេរិក និងកូរ៉េខាងត្បូង ។
ទីភ្នាក់ងារសារព័ត៌មានស៊ីនហួររបស់ចិន បានឲ្យដឹងថា លោកគីម ជុងអ៊ុន បានមកទស្សនកិច្ចចិនកាលពីថ្ងៃអាទិត្យ ២៥ មីនា ដល់ថ្ងៃពុធទី ២៨ មីនា ហើយវាជាដំណើរទស្សនកិច្ចក្រៅផ្លូវការមួយ។
របាយការណ៍នេះពុំបាននិយាយដល់ការដែលកូរ៉េខាងជើង អភិវឌ្ឍន៍នុយក្លេអ៊ែរដែឡបានដាក់ទណ្ឌកម្មធ្ងន់ធ្ងរពីសំណាក់អង្គការសហប្រជាជាតិឡើយ។
ខ្សែរថភ្លើងដែលដឹកប្រតិភូកូរ៉េខាងជើង ក្នុងនោះមានមេដឹកនាំគីម ជុងអ៊ុន ដែលចាកចេញពីរដ្ឋធានីប៉េកាំង នារសៀលថ្ងៃទី ២៧ មីនា ដើម្បីត្រឡប់ទៅកូរ៉េខាងជើងវិញ ៕ សូយន
កងរថយន្តបានចាកចេញពីផ្ទះភ្ញៀវជាតិរបស់ចិន
