Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ពិព័រណ៍​ពី​ការសិក្សា​នៅ​ណូវែល​ហ្សេ​ឡង់​ជា​លើក​ទី ៦

spot_img

​ភ្នំពេញ ​៖ ​អ្នក​តំណាង​មកពី​ស្ថាប័ន​ណូវែល​ហ្សេ​ឡង់​ជាង ១៤ បាន​ចូលរួម​ក្នុង​ពិព័រណ៍​ពី​ការសិក្សា​នៅ​ណូវែល​ហ្សេ​ឡង់​នៅ​រាជធានី​ភ្នំពេញ​ប្រទេស​កម្ពុជា​កាលពី​ថ្ងៃ​ទី​២៨ ខែ​មីនា ឆ្នាំ ២០១៨ ដើម្បី​ជួប​ផ្ទាល់​ពិភាក្សា​ពី​ជម្រើស​សិក្សា​ជាមួយ​សិស្ស​និស្សិត​កម្ពុជា​និង​ឪពុក​ម្តាយ​របស់​ពួកគេ​។​

មាន​សិស្ស​និស្សិត​និង​មាតាបិតា​សរុប​ជាង ៣៨៥ នាក់​បាន​ចូលរួម​ក្នុង​កម្មវិធី​មួយ​ថ្ងៃ​នេះ​ដែល​បាន​រៀបចំ​ឡើង​នៅ​សណ្ឋាគារ​សូហ្វីតែ​ល​ភ្នំពេញ​។​

​កម្មវិធី​នេះ​នៅតែ​បន្ត​ជា​វេទិកា​ដ៏​ល្អ​បំផុត​សម្រាប់​សិស្ស​និស្សិត​កម្ពុជា​និង​ឪពុក​ម្តាយ​របស់​ពួកគេ​ដើម្បី​ជួប​ផ្ទាល់​ជាមួយ សាលារៀន សាកលវិទ្យាល័យ និង​អ្នកផ្តល់​ការអប់រំ នៅ​ទូទាំង​ប្រទេស​ណូវែល​ហ្សេ​ឡង់​។ ស្ថាប័ន​ដែល​ចូលរួម​បាន​ផ្តល់​ជម្រើស​សិក្សា​ពី​វិទ្យាល័យ ថ្នាក់​បចេ្ចកទេស និង​ក្រោយ​ឧត្តម​សិក្សា​។ សិស្ស​និស្សិត​និង​មាតា​បិតា​របស់​ពួកគេ​ត្រូវបាន​អញ្ជើញ​ឱ្យ​ចូលរួម​ដើម្បី​ស្វែងរក​ព័ត៌មាន​បន្ថែម​ស្តីពី​ជម្រើស​សិក្សា​និង​ដំណើរការ​នៃ​ការ​ដាក់​ពាក្យ​នៅ​ពិ​ព៍ណ៍​សិក្សា​នេះ​ដោយ​ឥតគិតថ្លៃ​។​

“​ខ្ញុំ​ចង់​សិក្សា​នៅ​ប្រទេស​ណូវែល​ហ្សេ​ឡង់ ពីព្រោះ​ប្រទេស​នេះ​គឺជា​ប្រទេស​មួយ​ដ៏​ស្រស់​ស្អាត​ក្នុង​ចំណោម​ប្រទេស​ដទៃ​ទៀត​នៅ​លើ​ពិភពលោក ហើយ​វិស័យ​អប់រំ​នៅ​ទីនោះ មាន​ភាព​រីកចម្រើន​យ៉ាង​ខ្លាំងក្លា​” កញ្ញា រស់ ស្រីមុំ និស្សិត​ឆ្នាំ​៤ ផ្នែក​ទេសចរណ៍ នៃ​សាកលវិទ្យាល័យ​បញ្ញា​សាស្ត្រ​កម្ពុជា​។​

​ការចូលរួម​ជាមួយ​ស្ថាប័ន​ណូវែល​ហ្សេ​ឡង់​ក្នុង​ការតាំងពិព័រណ៍​នេះ មាន​អ្នកតំណាង​មក​ពី​មជ្ឈមណ្ឌល​អូស្ត្រាលី​សម្រាប់​ការអប់រំ (ACE) ដើម្បី​ពិភាក្សា​អំពី​ឱកាស​សិក្សា​ភាសា​អង់គ្លេស​ដើម្បី​បំពេញ​តាម​តម្រូវការ​របស់​ស្ថាប័ន​អប់រំ​ណូវែល​ហ្សេ​ឡង់​ផងដែរ​។ អ្នក​តំណាង​មកពី​មជ្ឈមណ្ឌល​ប្រឡង​តេស្ត​អន្តរជាតិ IELTS កម្ពុជា​ក៏​បាន​ចូលរួម​ផ្តល់​ប្រឹក្សា​អំពី​ការចុះ​ឈ្មោះ​និង​ការ​ធ្វើ​តេស្ត​ផងដែរ​។​

​លោក​ស្រេង ម៉ៅ​នាយក​ស្ថាប័ន IDP ប្រចាំ​ប្រទេស​កម្ពុជា​មានប្រសាសន៍ថា “​នេះ​គឺជា​ឱកាស​តែមួយគត់​សម្រាប់​សិស្ស​និស្សិត​កម្ពុជា​ដែល​មាន​គម្រោង​សិក្សា​នៅ​បរទេស​” លោក​បាន​បន្ថែម​ផងដែរ​ថា “​ដោយយោង​តាម​សមាហរណកម្ម​សេដ្ឋកិច្ច​អាស៊ាន​ការ ទទួលបាន​ការអប់រំ​អន្តរជាតិ​អាច​ជា​ទ្រព្យសម្បត្តិ​មួយ​ដ៏​មាន​ឥទ្ធិពល​បំផុត​សម្រាប់​ប្រជាជន​កម្ពុជា​ក្នុងការ​ប្រកួតប្រជែង​ក្នុង​ទីផ្សារការងារ​។ ដូចនេះ​ប្រជាពលរដ្ឋ​កម្ពុជា​ដែល​មាន​ចំនួន​កាន់តែ​ច្រើនឡើង កំពុង​ជ្រើសរើស​យក​ការសិក្សា​នៅ​ក្រៅប្រទេស​ក្នុង​ផែនការ​អប់រំ​របស់​ពួក​គេ​ដោយ​ជឿជាក់​ថា​នេះ​នឹង​ធានា​លើ​ការប្រកួតប្រជែង​សម្រាប់​អាជីព​របស់​ពួកគេ​នាពេល​អនាគត​”​។ ប្រទេស​ណូវែល​ហ្សេ​ឡង់​កំពុង​ក្លាយ​ជា​ជម្រើសដ៏​មាន​ប្រជាប្រិយភាព​មួយ ដោយសារ​មាន​សិស្ស​និស្សិត​កម្ពុជា​រាប់រយ​នាក់ ជ្រើសរើស​ទៅ​សិក្សា​នៅ​ទីនោះ ជា​រៀងរាល់ឆ្នាំ​។​

“​នេះ​មិនមែន​ជា​លើក​ទី​មួយ​ទេ​ដែល​ពួក​យើង​មក​ចូលរួម​កម្មវិធី​នេះ​។ ពួកយើង​ធ្លាប់​មក​ចូលរួម​ប៉ុន្មាន​ឆ្នាំ​ជាប់​គ្នា​មក​ហើយ ហើយ​ថ្ងៃនេះ​ខ្ញុំ​មក​ទីនេះ​ដើម្បី​ផ្តល់​ព័ត៌មាន​ទាក់ទង​នឹង​កម្មវិធី​សិក្សា​របស់​សាកលវិទ្យាល័យ​របស់​ពួក​យើង​ដូច​ជា ផ្នែក​គ្រប់គ្រង ផ្នែក​ជំនួញ ផ្នែក​វិស្វកម្ម ផ្នែក​អប់រំ ផ្នែក​បដិសណ្ឋារកិច្ច​និង​ទេសចរណ៍​។ ពួក​យើង​ក៏​ផ្តល់​ដំបូន្មាន​ទៅលើ​មូលហេតុ​ដែល សិស្ស និស្សិត​កម្ពុជា គួរតែ​ជ្រើសរើស​ទៅ​សិក្សា​នៅ​ប្រទេស​ណូវេល​ហ្សេ​ឡង់ និង អត្ថប្រយោជន៍​ដែល​សិស្ស និស្សិត​ទទួល​បាន​ក្រោយ​បញ្ចប់​ការសិក្សា​នៅ​ទីនោះ​” លោកស្រី Nguyen Thi Lam Giang អ្នក​តំណាង​មកពី សាកលវិទ្យាល័យ Waikato ។​

​ប្រធាន​ផ្នែក​ទំនាក់ទំនង​សិស្ស និស្សិត​ទៅ​សិក្សា​នៅ​ក្រៅប្រទេស លោក ឈាង វ៉ាន់​តាក់ បាន​មានប្រសាសន៍ថា​៖ “​យើង​ផ្តល់​ការប្តេជ្ញាចិត្ត​យ៉ាង​មុតមាំ​ក្នុង​ការផ្តល់​សេវាកម្ម​ដ៏​ល្អ​បំផុត​សម្រាប់ សិស្ស​និស្សិត និង អាណាព្យាបាល​”​។ លោក​បាន​បន្តទៀតថា “​នេះ​គឺជា ឱកាស​ដ៏​កម្រ​សម្រាប់​សិស្សានុសិស្ស និង​អាណាព្យាបាល មកជួប​អ្នកតំណាង​សាលា​មក​ពី​ប្រទេស​ណូវែល​ហ្សេ​ឡង់​ដោយ​ឥតគិតថ្លៃ​” ៕​ ​ដោយ​៖​កូឡាប​

spot_img
×