ប្រិយមិត្តមួយចំនួន ប្រាកដណាស់ធ្លាប់បានឮហើយ ដែលចៅម៉ែ ឬហៅយាយ៣១ បានចេញវីដេអូមួយនិយាយប្រាប់ទៅកាន់មហាជននៅក្នុងបណ្តាញសង្គមយ៉ាងច្បាស់ៗថា ខ្លួនមានប្តីជាសេដ្ឋីលំដាប់ទី៦ នៅស្រុកថៃ។
តែទោះជាយ៉ាងណា ស្រាប់តែក្រោយមក ចៅម៉ែ ក៏បានធ្វើការបដិសេធ និងចោទថាគេកាត់តសំឡេងខ្លួន ដោយក្រឡាស់សំដីថា ប្តីខ្លួនមិនមែនជាសេដ្ឋីលំដាប់ទី៦ទេ តែខ្លួនពិតជាបាននិយាយមែនថា ប្តីខ្លួនជាសេដ្ឋី និងទិញឡានទំនើប Rolls-Royce លំដាប់ទី៦ នៅស្រុកថៃ ឲ្យខ្លួនជិះ។
ទាក់ទងនិងសេដ្ឋីលំដាប់ទី៦ នៅស្រុកថៃ ក៏សូមណែនាំឲ្យប្រិយមិត្តបានស្គាល់ផងដែរថា សេដ្ឋីពិតលំដាប់ទី៦ គឺមានឈ្មោះ Aiyawatt Srivaddhanaprabha អាយុ ៣៦ ឆ្នាំ ជាសេដ្ឋីវ័យក្មេង ក្នុងចំណោមសេដ្ឋីទាំង១០នៅស្រុកថៃ។
លោក Aiyawatt ដែលត្រូវបានមហាជនហៅថា Top ជានិច្ច គឺជាអ្នកជំនួញជនជាតិថៃម្នាក់ ជានាយកប្រតិបត្តិ និងជាប្រធានក្រុមហ៊ុន King Power និងជាប្រធានក្លឹបបាល់ទាត់ Leicester City និង OH Leuven។ លោក Aiyawatt ទ្រព្យសម្បត្តិសរុប ៣.៨ ពាន់លានដុល្លារ៕ រក្សាសិទ្ធិដោយ៖ លឹមហុង
