ការវាយតម្លៃនេះត្រូវបានលើកឡើងបន្ទាប់ពីដំណើរទេស្សនកិច្ចមេដឹកនាំកូរ៉េខាងជើងទៅកាន់ក្រុងប៉េកាំង។ លើបណ្តាញសង្គម Twitter ប្រធានាធិបតីត្រាំ លើកឡើងច្បាស់ៗថា ៖ “ច្រើនឆ្នាំកន្លងមក និងឆ្លងកាត់មេដឹកនាំច្រើនជំនាន់ មនុស្សទាំងឡាយសុទ្ធសឹងចាត់ទុកថា សន្តិភាព និងការគ្មានអាវុធនុយក្លេអ៊ែរនៅឧបទ្វីបកូរ៉េ ពិតជាពិបាកមានលទ្ធភាពកើតមានបាន។ ប៉ុន្តែឥឡូវបានមាននូវឱកាសល្អសម្រាប់មេដឹកនាំគីម ជុងអ៊ុន ធ្វើនូវរឿងត្រឹមត្រូវសម្រាប់ពលរដ្ឋប្រទេសនេះ និងមនុស្សលោក”។
នៅថ្ងៃ ២៨ ខែមីនា ប្រធានាធិបតីអាមេរិក ដូណាល់ ត្រាំ បានវាយតម្លៃពីអនាគតមួយទាក់ការបោះបង់អាវុធនុយក្លេអ៊ែរបស់មេដឹកនាំគីម ជុងអ៊ុន
លោកត្រាំ នៅឲ្យដឹងបន្ថែមថា លោកបានទទួលសារពីប្រធានរដ្ឋចិន ស៊ី ជិនពៀន ប្រាប់ថា ជំនួបជាមួយមេដឹកនាំកូរ៉េខាងជើងគីម ជុងអ៊ុន បានប្រព្រឹត្តទៅយ៉ាងល្អប្រសើរ ហើយលោកគីម ជុងអ៊ុន ក៏បានផ្តោតទៅលើជំនួបជាមួយប្រធានាធិបតីអាមេរិក ។ ទោះយ៉ាងណាប្រធានាធិបតីត្រាំ ក៏បានអះអាងបន្ថែមថា បណ្តាវិធានការដាក់ទណ្ឌកម្ម និងសម្ពាធជាអតិប្បរមាលើក្រុងព្យុងយ៉ាងនឹងនៅត្រូវបានបន្តរក្សាទុក។
នៅថ្ងៃដដែលនេះ រុស្ស៊ីប្រកាសថា ដំណើរទស្សនកិច្ចរបស់មេដឹកនាំកូរ៉េខាងជើងគីម ជុងអ៊ុន ទៅកាន់ក្រុងប៉េកាំងគឺជាជំហានដ៏សំខាន់ ដើម្បីជំរុញការប្រែប្រួលសកម្មនៅលើឧបទ្វីបកូរ៉េ។ រុស្ស៊ីនៅបានឲ្យដឹងថា គេត្រៀមខ្លួនជាស្រេចដើម្បីកិច្ចសហប្រតិបត្តិការជិតស្និទ្ធជាមួយចិន ក៏ដូចជាការបានជំរុញការដោះស្រាយបញ្ហារបស់តំបន់ទាំងមូល ដោយប្រើតាមតែវិធានការនយោបាយ និងការទូតតាមរយៈកិច្ចចរចាទល់មុខគ្នារវាងបណ្តាភាគីដែលពាក់ព័ន្ធ។
ស្របពេលជាមួយគ្នានោះមេដឹកនាំចិន ក៏បានវាយតម្លៃខ្ពស់ ដំណើរទស្សនកិច្ចនេះ ហើយអះអាងថា សកម្មភាពនេះបញ្ជាក់ច្បាស់ថា ក្រុងព្យុងយ៉ាងចាត់ទុកទំនាក់ទំនងជាមួយប៉េកាំងមានសារៈដ៏សំខាន់។ ប្រធានរដ្ឋចិនស៊ីជិនពៀន ក៏បានទទួលពាក្យអញ្ជើញទៅទស្សនកិច្ចកូរ៉េខាងជើង របស់លោកគីម ជុងអ៊ុន ផ្ទាល់៕ សូយន
