ភ្នំពេញ ៖ ប្រជាពលរដ្ឋនៅតាមបណ្ដារាជធានី-ខេត្តមួយចំនួន នៅតែមិនយល់ពីការលំបាករបស់សមត្ថកិច្ច ដោយពួកគេនៅតែល្មើសនឹងវិធានការរដ្ឋបាល និងបម្រាមគោចរ ដដែលជាដដែល ហើយត្រូវសមត្ថកិច្ចពិន័យជាប្រាក់ផង អប់រំផង និងកសាងសំណុំរឿងបញ្ជូនទៅតុលាការផង ក៏នៅតែមិនអស់មនុស្សដែលប្រព្រឹត្តល្មើស។
ក្នុងការអនុវត្តវិធានការនៅទូទាំងប្រទេសកម្ពុជា នាថ្ងៃទី១១ ខែសីហា ឆ្នាំ២០២១ សមត្ថកិច្ចជំនាញបានរកឃើញមនុស្ស ៤១៥៤នាក់ទៀត និងយានយន្តចំនួន ៩៩០ គ្រឿង បានប្រព្រឹត្តល្មើសវិធានការសុខាភិបាល វិធានការរដ្ឋបាល និងបម្រាមគោចរ សរុប ២០៥៨ករណី ព្រមទាំងបានធ្វើការផាកពិន័យជាទឹកប្រាក់ សរុបចំនួន ២៦លានរៀលផងដែរ។
ក្នុងចំណោមអ្នកដែលបានល្មើសវិធានការទាំងនេះ មានមនុស្ស១៣ ត្រូវបានសមត្ថកិច្ចបញ្ជូនទៅតុលាការ ព្រមទាំងមានការបិទអាជីវកម្មមួយកន្លែងផងដែរ៕ រក្សាសិទ្ធិដោយ៖ពិសិដ្ឋ CEN
