គ្រាន់តែឮឈ្មោះ នោះប្រិយមិត្ត និងមហាជនបានស្គាល់ហើយ តារាពហុជំនាញសិល្បៈ លោក ជួប ចន្ទ័កក្កដា ហៅ រ៉ូលីន ឬ Miss Photo City ដែលលោកគឺជាតារាភេទទី៣ម្នាក់ផងដែរ។ ជាការពិតណាស់ ជាមួយសមត្ថភាពដ៏មិនធម្មតានេះ ឃើញថា រ៉ូលីន តាំងពីចាប់ផ្តើមល្បី និងរហូតមកទល់ពេលបច្ចុប្បន្ន គឺនៅតែទទួលបានការគាំទ្រយ៉ាងខ្លាំង ពីសំណាក់ប្រិយមិត្ត ទាំងក្នុង និងក្រៅសង្គមសិល្បៈ។
យ៉ាងណាមិញ នៅមុននេះបន្តិច ថ្ងៃទី១៣ ខែសីហា ឆ្នាំ២០២១ លោក ជួប ចន័្ទកក្កដា ហៅ រ៉ូលីន បានបង្ហោះរូបថតផ្ទះថ្មីរបស់ខ្លួន១ខ្នងទៀត ដែលកំពុងស្ថិតក្នុងការសាងសង់ និងបានភ្ជាប់សំណេរមានខ្លឹមសារយ៉ាងចាក់ដោតថា៖ «មិនចូលចិត្តប្រគួតប្រជែងនរណា ចូលចិត្តរស់សាមញ្ញ មានផ្ទះតូចមួយ មុខរបរតូចមួយ ជីវិតមានន័យ»។
ដោយឡែក មហាជនជាអ្នកប្រើប្រាស់បណ្តាញសង្គមហ្វេសប៊ុកជាច្រើន បន្ទាប់ពីបានឃើញ រ៉ូលីន បង្ហោះរូបផ្ទះបែបនេះ ក៏បានលាន់មាត់ថា ផ្ទះរ៉ូលីនតូច តែដីធំ ក្តីសុខណាស់ បើមានប្តី 2 3 ទៀតរឹតតែមានន័យ។ រីឯអ្នកខ្លះទៀតថា ក៏បានសរសើរ រ៉ូលីន ថា នៅក្មេងសោះ តែមានសតម្ថភាពអាចរកលុយទិញដី ទិញផ្ទះច្រើនកន្លែង ដោយកម្លាំងញើសឈាមខ្លួនឯងបាន ពិតជាមិនធម្មតាទេ,….៕ រក្សាសិទ្ធិដោយ៖ លឹម ហុង
