ប្រិយមិត្តខ្លះប្រហែលជាបានស្គាល់ហើយ តារាចម្រៀងស្រីស្រស់ស្អាត ធឿន លីលី ដែលរូបនាងធ្លាប់លេចមុខជាបេក្ខនារី ចូលរួមប្រឡងនៅក្នុងកម្មវិធីប្រកួតចម្រៀង X-Factor។
តែអ្វីដែលមិននឹកស្មានដល់នោះ ខណៈដែលវិបត្តិកូវិដ-១៩ ដែលកំពុងធ្វើឲ្យប្រាក់ចំណូលមនុស្សម្នាក់ៗ ត្រូវធ្លាក់ចុះ ហើយត្រូវតែស្វះស្វែងរកប្រភពចំណូល ទៅតាមអ្វីដែលអាចធ្វើបាន ដើម្បីផ្គត់ផ្គង់ជីវភាពប្រចាំនោះ ស្រាប់តែគេបានឃើញតារាចម្រៀងស្រីរូបនេះ ស្ថិតក្នុងឈុតសម្លៀកបំពាក់ជាអ្នកដឹកជញ្ជូនទំនិញអនឡាញ ស្ទើរតែមិនគួរឲ្យជឿសោះឡើយ។
តែទោះយ៉ាងជាណា ក្រោយឃើញ លីលី បង្ហោះរូបប៉ុន្មានសន្លឹកបែបនេះ បានធ្វើឲ្យមហាជននាំគ្នាកោតសរសើរជាខ្លាំង និងថែមទាំងផ្តល់កម្លាំងចិត្តដល់រូបនាងឲ្យស៊ូស៊ូ,…៕ រក្សាសិទ្ធិដោយ៖ លឹម ហុង
