ភ្នំពេញៈ អគ្គមេបញ្ជាការ នៃកងយោធពលខេមភូមិន្ទ នាយឧត្តមសេនីយ៍ វង្ស ពិសេន បានមានប្រសា សន៍ថា ដំណើរការចាក់វ៉ាក់សាំងការពារជំងឺកូវីដ១៩ ប្រភេទអាស្ត្រាហ្សេនីកា ដូសទី៣ ឬដូសជម្រុញ ជូនដល់កងទ័ព និងគ្រួសារកងទ័ព គឺដំណើរការនៃការចាក់បានល្អ និងលឿន ដោយមិនមានបញ្ហាអ្វីកើតឡើងទេ។ ការចាក់វ៉ាក់សាំងដូសទី៣ ឬដូសជម្រុញ ដល់កងទ័ពជួរមុខ គឺមានសារសំខាន់ ពីព្រោះកម្លាំង គឺជាកម្លាំងស្រួចមួយរបស់រាជរដ្ឋាភិបាល។
នាយឧត្តមសេនីយ៍ វង្ស ពិសេន បានមានប្រសាសន៍បន្តថា ចំពោះការចាក់វ៉ាក់សាំងដូសទី៣ ឬដូសជម្រុញដល់កងទ័ពជួរមុខ គឺមានសារសំខាន់ពីព្រោះកម្លាំងរបស់យើង គឺជាកម្លាំងស្រួចមួយរបស់រាជរដ្ឋាភិបាល ហើយក៏ជាកម្លាំងចុងក្រោយមួយរបស់រាជរដ្ឋាភិបាលដែលត្រូវប្រើ យើងត្រូវធ្វើការងារចំពោះមុខនេះ គឺកងទ័ពរបស់យើងបានចូលរួមការងារយ៉ាងសកម្មជាមួយនិងរាជរដ្ឋាភិបាល តាំងពីការខិតខំបិទខ្ទប់ នៅក្នុងការហូរចូលជំងឺកូវីដ១៩ រួមចំណែកនៅក្នុងការស្រាវជ្រាវ និងកិច្ចការងារការពារកន្លែងតំបន់មួយចំនួនដែលបិទខ្ទប់ ហើយក៏ដូចជារួមចំណែកក្នុងកិច្ចការងារព្យាបាល និងចូលរួមចំណែកក្នុងកិច្ចការងារចាក់វ៉ាក់សាំង និងការដឹកស្បៀងរបស់រាជរដ្ឋាភិបាល និងសប្បុរសជនយកទៅចែកជូនដល់ប្រជាពលរដ្ឋនៅតំបន់បិទខ្ទប់ និងតំបន់ដែលមានការខ្វះខាត។ ហេតុនេះយើងត្រូវខិតខំថែរក្សាការពារសុខមាលភាពរបស់កងកម្លាំងរបស់យើងឲ្យបាន ពេលកាលណាចាំបាច់ត្រៀមបម្រើឲ្យបាន ហើយបើយើងអត់ការពារ អត់ថែទាំនៅពេលឈឺឆ្កាត់កើតឡើងសម្តេចនាយករដ្ឋមន្ត្រីបញ្ជាមក ក៏យើងមិន អាចប្រើប្រាស់កម្លាំងរបស់យើងបានដែរ។
សូមជម្រាបថា ការចាក់វ៉ាក់សាំងការពារជំងឺកូវីដ១៩ ដូសទី៣ ឬដូសជម្រុញ ជូនដល់កងទ័ព និងគ្រួសារកងទ័ពបានចាប់ផ្តើមកាលពីថ្ងៃទី៩ ខែសីហា ឆ្នាំ២០២១។ ហើយគិតត្រឹមថ្ងៃទី១៤ ខែសីហា ឆ្នាំ២០២១ គឺចាក់បានចំនួនជាង ១សែននាក់ហើយ៕ រក្សាសិទ្ធិដោយៈ ចេស្តារ
