វីដេអូ Tik Tok មួយ ដែលត្រូវបានចែករំលែកនៅលើទំព័រហ្វេសប៊ុកសម្តេចតេជោ ហ៊ុន សែន បង្ហាញពីស្រ្តីម្នាក់ សប្បាយចិត្តស្ទើរហោះ ក្រោយចាក់វ៉ាក់រួចមានអារម្មណ៍ស្រួលខ្លួនប្លែក ឃើញថាមានបងប្អូនយ៉ាងច្រើននៅក្នុងបណ្តាញសង្គម ផ្ទុះការចាប់អារម្មណ៍ជាខ្លាំងតែម្តង។
នៅក្នុងវីដេអូ ស្រ្តីរូបនេះបានសម្តែងនូវអារម្មណ៍រំភើបចិត្តថា គាត់ពិតជាសប្បាយចិត្តខ្លាំងណាស់ ដែលសម្តេចតេជោ ហ៊ុនសែន បានជួយព្យាបាលឲ្យជីវិតរបស់គាត់បន្តរស់ទៅមុខទៀត និងពិតជាអរគុណខ្លាំងមែនទែន ដែលសម្តេចខំស្វះស្វែងទិញវ៉ាក់សាំង មកចាក់ឲ្យរូបគាត់ និងក៏ដូចប្រជាជនខ្មែរទាំងអស់គ្នា អាចជៀសចាកឆ្ងាយពីជំងឺដ៏កាចសាហាវមួយនេះ។ ជាចុងក្រោយ គាត់ក៏ជូនពរដល់សម្តេច សូមឲ្យសម្តេចមានអាយុរហូត ២០០ ឆ្នាំ ផងដែរ។
យ៉ាងណាមិញ តាមរយៈវីដេអូនេះផងដែរ សម្តេចតេជោ ក៏បានថ្លែងរៀបរាប់យ៉ាងដូច្នេះថា៖ «ថ្ងៃមុនបង្ហោះចៅស្រី ណាណា មានបងប្អូនច្រើនលើសលប់គាំទ្រតែ ក៏មានមនុស្សច្រណែនជាមួយចៅស្រីណា ណា ដែរ។ ថ្ងៃនេះឃើញបងប្អូនចាប់អារម្មណ៍ពីបងស្រី ដែលបានចាក់វ៉ាក់សាំងហើយជូនពរឱ្យខ្ញុំបានអាយុ២០០ឆ្នាំ។ រង់ចាំមើលតើមានមនុស្សចេញមកជេរបងស្រីទៀតទេ»៕ រក្សាសិទ្ធិដោយ៖ លឹម ហុង
