រុស្ស៊ីប្រកាសថា នឹងបណ្តេញអ្នកការទូតអាមេរិកចំនួន ៦០ រួមទាំងបិទទ្វារស្ថានកុងស៊ុលអាមេរិក ស្ថានទូត
St. Petersburg ដែលជាការឆ្លើយតបចំពោះក្រុងវ៉ាស៊ីនតោនជុំវិញករណីអតីតចារបុរសរុស្ស៊ី ត្រូវបំពុលនៅអង់គ្លេស ។
ប្រមុខការទូតរុស្ស៊ី Sergei Lavrov
Reuter បានដកស្រង់សម្តីរបស់ការទូត Sergei Lavrov កាលពីថ្ងៃទី ២៩ មីនា ថា ៖ វិធានការតបតនឹងប្រហាក់ប្រហែលគ្នា… រួមមានទាំងការបណ្តេញអ្នកការទូតអាមេរិក នឹងលុបចោលកិច្ចព្រមព្រៀងអនុញ្ញាតឲ្យស្ថានកុងស៊ុលអាមេរិកនៅ St. Petersburg ។ តាមលោក Lavrov ក្រសួងការបរទេសរុស្ស៊ីបានកោះហៅ និងប្រកាសប្រាប់ឯកអគ្គរដ្ឋទូតអាមេរិកប្រចាំក្រុងមូស្គូ Jon Huntsman ថា អ្នកការទូតអាមេរិចចំនួន ៦០នាក់ ក្នុងនោះមាន ៥៨នាក់ នៅមូស្គូ និង ២នាក់ទៀតនៅ Yekaterinburg ហើយពេលវេលាចុងក្រោយសម្រាប់អ្នកទាំងនោះចេញផុតពីរុស្ស៊ីគឺថ្ងៃទី ៥ មេសា ។
គួររំលឹកថា កាលពីថ្ងៃទី ២៦ មីនា អាមេរិកបានបណ្តេញអ្នកការទូតរុស្ស៊ីចំនួន ៦០នាក់ ក្នុងនោះ ១២នាក់ ស្ថិតក្នុងប្រតិភូរុស្ស៊ីប្រចាំអង្គការសហប្រជាជាតិ ដោយចោទប្រកាន់ថា ពួកគេធ្វើការងារចារកម្ម ហើយក៏បានបិទទ្វារស្ថានកុងស៊ុលរុស្ស៊ី ប្រចាំទីក្រុង Seattle ។
បណ្តាប្រទេស (គំនូសពណ៌ក្រហម) ដែលបានបណ្តេញអ្នកការទូតរុស្ស៊ីចេញពីប្រទេសខ្លួន ៕ សូយន