តារាតិចតុកដ៏ល្បីឈ្មោះ សុខ លីន ប្រិយមិត្តបានស្គាល់ច្បាស់ហើយ ជាពិសេសថ្មីៗនេះ រូបនាងបានធ្វើឲ្យមហាជនផ្ទុះការចាប់អារម្មណ៍ និងក៏ដូចសម្តែងក្តីអាណិតជាខ្លាំង ក្រោយរូបនាងបានសម្រេចចិត្តទម្លាយរឿងដ៏កំសត់ជូរចត់ ព្រោះតែជ្រើសប្តីចិត្តឯង ហើយលទ្ធផល ត្រូវប្តីធ្វើបាបចិត្តឥតល្ហែ រហូតធ្វើឲ្យរូបនាងត្រូវចុះចោលពីគ្រួសារខាងប្តីតែខ្លួនទទេ ដែលសូម្បីតែកូនប្រុសជាទីស្រឡាញ់ ក៏គេមិនឲ្យយកមកជាមួយផងដែរ។
តែទោះយ៉ាងណា នាងបានព្យាបាលស្វែងរកការងារនៅឯភ្នំពេញ និងទីបំផុត ក៏បានក្លាយជាតារាតិចតុកដ៏ល្បីឈ្មោះ និងអាចរកប្រាក់ចំណូលបានច្រើនគួរសម តាមរយៈអាចមានឱកាសបានថតសម្តែងផ្សេងៗជាហូរហែ និងទទួលបានប្រាក់ចំណូលបូកបន្ថែម ជាមួយការលក់ផលិតផលថែរក្សាសម្ផស្សតាមអនឡាញផងដែរ។
ជាមួយមុខរបរបន្ទាប់បន្សំទាំងនេះ ឃើញថាបានធ្វើឲ្យជីវិតស្រ្តីកូនមួយសម្រស់ខ្ចីញ៉ិញរូបនេះ ប្រែប្រួលខ្លាំងគួរឲ្យកត់សម្គាល់។ ជាក់ស្តែងថ្មីៗនេះ សុខ លីន បានធ្វើឲ្យមហាជនមានការភ្ញាក់ផ្អើលមិននឹកស្មានដល់ ក្រោយបើកបង្ហាញរថយន្តស៊េរីទំនើបថ្មីស្រឡាង១គ្រឿង ជូនជាកាដូរដល់លោកឪពុកដែលជាអ្នកមានគុណ រហូតធ្វើឲ្យហ្វេនៗទាំងនៅក្នុងបណ្តាញហ្វេសប៊ុក និងសង្គមតិចតុក នាំគ្នាកោតសរសើរដល់តារាស្រីរូបនេះជាខ្លាំង។
យ៉ាងណាមិញ តាមរយៈរូបថត១សន្លឹកក្នុងថ្ងៃប្រគល់កាដូររថយន្តជូនឪពុក តារាតិចតុក សុខ លីន ដែលទទួលការគាំទ្រយ៉ាងខ្លាំងពីសំណាក់មហាជន រហូតទទួលបានការចុច Like និង Follow រាប់សិបម៉ឺននាក់ទាំងក្នុងហ្វេសប៊ុក និងទាំងនៅក្នុងគណនីតិចតុក ក៏បានភ្ជាប់សាររៀបរាប់យ៉ាងដូច្នេះថា៖ «ស្នាមញញឹមរបស់ប៉ា គឺជាក្ដីសង្ឃឹមរបស់កូនតែម្នាក់គត់»៕ រក្សាសិទ្ធិដោយ៖ លឹម ហុង
