ឆ្នាំជូត ៖ ការងារ ធ្លាក់ចុះ កើតមានទំនាស់ឈ្លោះប្រកែក កុំឲ្យរឿងផ្ទាល់ខ្លួនឥទ្ធិពលដល់ការងាររួម។ លុយកាក់ ថ្ងៃនេះមានខ្ទង់ចំណាយក្រៅគម្រោងច្រើន។ មនោសញ្ចេតនា ល្អប្រសើរ គួរចេះក្តាប់ឱកាសដើម្បីបង្កើតការយល់ចិត្តគ្នាកាន់តែខ្លាំងជាងមុន ៕
ឆ្នាំឆ្លូវ ៖ ការងារ មិនល្អ ត្រូវប្រយ័ត្នកុំឲ្យកើតមានកំហុសក្នុងការងារ ។ លុយកាក់ មិនស្ថិរភាព ចាយវាយត្រូវសន្សំសំចៃ។ មនោសញ្ចេតនា កើតមានទំនាស់ការខ្វែងគំនិតគ្នាជាមួយគូស្នេហ៍៕
ឆ្នាំខាល ៖ ការងារ ល្អប្រសើរ គួររៀនសូត្របន្ថែមបទពិសោធន៍របស់មនុស្សនៅជុំវិញខ្លួន។ លុយកាក់ មានអ្នកជួយយកអាសាក្នុងរឿងលុយកាក់ ។ មនោសញ្ចេតនា មិនបានល្អ ប្រយ័ត្នមានរឿងក្តៅក្រហាយដាក់គ្នា៕
ឆ្នាំថោះ ៖ ការងារ រីកចម្រើន ត្រូវប្រឹងប្រែងរក្សាស្ថានភាពនេះឲ្យបានយូរអង្វែង ។ លុយកាក់ ជួបសំណាងល្អបន្តិចបន្តួចអំពីលុយកាក់ ប្រសិនចង់វិនិយោគ នោះមិនត្រូវប្រញាប់ប្រញាល់ គួរសាកសួរយោបល់អ្នកមានបទពិសោធន៍។ មនោសញ្ចេតនា ត្រូវមានភាពក្លាហានដើម្បីក្តាប់យកឱកាសល្អក្នុងរឿងមនោសញ្ចេតនា៕
ឆ្នាំរោង ៖ ការងារ គ្រប់យ៉ាងមិនអំណោយផលល្អ រងសម្ពាធច្រើន ។ លុយកាក់មិនត្រូវជឿពាក្យសម្តីអ្នកដទៃនាំឲ្យខាតបង់លុយកាក់។ មនោសញ្ចេតនា ល្អប្រសើរ សុខដុមរមនានឹងគ្នា៕
ឆ្នាំម្សាញ់ ៖ ការងារ មានសន្ទុះឈានឡើង គួរចេះអត់ធ្មត់ មិនត្រូវចាប់អារម្មណ៍ដល់ពាក្យចាត់រុកពីខាងក្រៅ ។ លុយកាក់ ស្ថានភាពហិរញ្ញវត្ថុមិនល្អ កើតមានខ្ទង់ចំណាយក្រៅគម្រោងច្រើន ។ មនោសញ្ចេតនា គួរចេះស្តាប់យោបល់គូស្នេហ៍ មិនត្រូវចចេសយកឈ្នះតែខ្លួនឯង ដែលនាំឲ្យទំនាក់ទំនងប្រេះឆា៕
ឆ្នាំមមី ៖ ការងារ មានអ្នកជួយជ្រោមជ្រែងគាំទ្រ គ្រប់យ៉ាងប្រព្រឹត្តទៅដោយរលូន។ ថ្ងៃនេះមិនសមស្របសម្រាប់ការបណ្តាក់ទុនរកស៊ីគួររង់ចាំឱកាសថ្មី។ មនោសញ្ចេតនា គួរមានសម្តីផ្អែមល្ហែមចំពោះមនុស្សជាទីស្រឡាញ់ កុំយករឿងមិនសប្បាយចិត្តពីក្រៅធ្វើឲ្យប៉ះពាល់មនោសញ្ចេតនាអ្នកទាំង២៕
ឆ្នាំមមែ ៖ ការងារ ថ្ងៃនេះទោះបីការងារដំណើរការយ៉ាងល្អ ត្រូវបានគ្រប់គ្នាវាយតម្លៃខ្ពស់ តែភ័ព្វសំណាងនៅពុំទាន់មកដល់អ្នក ប្រយ័ត្នមានអ្នកឈ្នានីសពីក្រោយខ្នង។ លុយកាក់ មិនល្អប្រសើរ រងឥទ្ធិពលអាក្រក់ពីការងារ ។ មនោសញ្ចេតនា មិនគួរអល់អែក ត្រូវដាច់ខាតដោះស្រាយរាល់បញ្ហាកើតមានក្នុងទំនាក់ទំនងរវាងអ្នក និងគូស្នេហ៍៕
ឆ្នាំវក ៖ ការងារ រាំងស្ទះ ជួបការលំបាកច្រើន ។ លុយកាក់ មានឱកាសវិនិយោគទទួលបានប្រាក់ចំណេញច្រើន តែមិនត្រូវប្រញាប់ប្រញាល់ គួរធ្វើសន្សឹមៗ។ មនោសញ្ចេតនា រីកចម្រើនល្អ យល់ចិត្តយល់ថ្លើមគ្នាបំផុត៕
ឆ្នាំរកា ៖ ការងារ ស្ថានភាពការងារវិវត្តន៍អាក្រក់ ត្រូវនឹងនរដោះស្រាយ ។ លុយកាក់ ធូរធារ ប្រភពចំណូលចម្បង និងបន្ទាប់បន្សំសុទ្ធតែកើនឡើងយ៉ាងសន្ធឹក។ មនោសញ្ចេតនា គរួរមានពេលវេលាឲ្យបានច្រើនសម្រាប់មនុស្សដែលអ្នកស្រឡាញ់ ៕
ឆ្នាំចរ ៖ ការងារ រីកចម្រើនល្អ រាល់ការលំបាកទាំងប៉ុន្មានមុននេះ ត្រូវបានដោះស្រាយរួចរាល់ តែក៏មិនត្រូវភ្លេចខ្លួនមានអំនួតបង្កើតភាពសម្អប់ពីអ្នកក្រោមបង្គាប់ ។ លុយកាក់ ថ្ងៃនេះទោះបីមានលាភចូល តែក៏មិនត្រូវខ្ជះខ្ជាយក្នុងការចំណាយ។ មនោសញ្ចេតនា មិនត្រូវស្តាប់ពាក្យខ្សឹបខ្សៀវពីក្រៅធ្វើឲ្យឥទ្ធិពលដល់រឿងមនោសញ្ចេតនារបស់អ្នក៕
ឆ្នាំកុរ ៖ ការងារ ស្ថិរភាព គួរប្រឹងប្រែងបន្ថែមទៀតដើម្បីឈានទៅជោគជ័យធំ។ លុយកាក់ ល្អប្រសើរ ចំណូលចូលមិនដាច់ ។ មនោសញ្ចេតនា មិនបានល្អ មានរឿងឈ្លោះប្រកែក អាក់អន់ចិត្តគ្នា ៕