ភ្នំពេញ ៖ លោក សាយ សំអាល់ រដ្ឋមន្ត្រី ក្រសួបរិស្ថាន នៅទីស្តីការក្រសួងបរិស្ថាន នាព្រឹកថ្ងៃទី២៩ ខែមីនា ឆ្នាំ២០១៨ បានដឹកនាំកិច្ចប្រជុំជីវភាព និងជំរុញការងារអនុវត្តន៍ការវាយតម្លៃហេតុប៉ះពាល់បរិស្ថាន ការធ្វើវឌ្ឍនភាពការងារឱ្យមានប្រសិទ្ធភាពជាងមុនដល់ថ្នាក់ដឹកនាំចំណុះក្រសួងបរិស្ថាន និងបណ្តាមន្ទីរបរិស្ថានទាំង២៥រាជធានី-ខេត្ត។
លោក រដ្ឋមន្ត្រី សាយ សំអាល់ បានគូសបញ្ជាក់អំពីការដឹកនាំ និងគ្រប់គ្រងទៅតាមជំនាញ ដោយលើកទឹកចិត្តឱ្យមន្ត្រីជំនាញគិតគូពីផលប៉ះពាល់ទៅលើវិស័យបរិស្ថាន ជាពិសេសការងារវាយតម្លៃ ហេតុប៉ះពាល់បរិស្ថាន ដើម្បីបុព្វហេតុកិច្ចគាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះ ដើម្បីឱ្យការអភិវឌ្ឍប្រកបដោយចីរភាព។
ជាមួយគ្នានេះ លោក រដ្ឋមន្ត្រី បានលើកឡើងផងដែរថា ការទទួលបាននិរន្តរភាពការងារ គឺបានមកពីការ បែងចែកការងារ ការប្រគល់ និងលើកទិសដៅមានប្រសិទ្ធភាព៕ ដោយ ៖ បញ្ញាស័ក្តិ
