ភ្នំពេញ ៖ ប្រធានកាកបាទក្រហមកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅថ្ងៃទី១៧ ខែសីហា ឆ្នាំ២០២១ បានសម្រេចទិញផ្លែមៀន ចំនួន ២១តោន ពីតាមបណ្ដាខេត្តដែលដាំមៀន នៅជាប់ព្រំដែនកម្ពុជា-ថៃ ដើម្បីចែករំលែកជូនក្រុមគ្រូពេទ្យ និងអ្នកជំងឺកូវីដ-១៩ ដែលកំពុងសម្រាកព្យាបាលតាមមន្ទីរពេទ្យមួយចំនួន នៅរាជធានីភ្នំពេញ។
ការចែករំលែកផ្លែមៀន ជូនក្រុមគ្រូពេទ្យមានដូចតទៅ ៖
១- ក្រុមគ្រូពេទ្យស័្មគ្រចិត្ត សម្តេចតេជោ (TYDA) និងអ្នកជំងឺកូវីដ-១៩ ចំនួន ៦តោន ,
២- មន្ទីរពេទ្យរុស្ស៉ី (គ្រូពេទ្យ និងអ្នកជំងឺកូវីដ-១៩) ចំនួន ៥តោន ,
៣- មន្ទីរពេទ្យជ័យជំនះ (គ្រូពេទ្យ និងអ្នកជំងឺកូវីដ-១៩) ចំនួន ៥តោន ,
៤- ស្តាតអូឡាំពិក ទីកន្លែងព្យាបាលជំងឺកូវីដ-១៩ (គ្រូពេទ្យ និងអ្នកជំងឺកូវីដ១៩) ចំនួន ៥តោន ,
គួរបញ្ជាក់ផងដែរថា ស្របពេលជាមួយគ្នានេះ សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា បានបញ្ជាឲ្យនាយឧត្តមសេនីយ៍ កិត្តិបណ្ឌិត ហ៉ីង ប៊ុនហៀង ប្រមូលទិញផ្លែមៀនរបស់កសិករនៅតាមបណ្ដាខេត្តជាប់ព្រំដែនកម្ពុជា-ថៃ ដែលជួបប្រទះនូវបញ្ហាក្នុងការនាំចេញទៅលក់នៅក្រៅប្រទេស ដោយសារការឆ្លងរីករាលដាលជំងឺកូវី-១៩៕ រក្សាសិទ្ធិដោយ៖ពិសិដ្ឋ CEN
